Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ge'enaka de towimake 'o Domba ma Ngowaka gu'una 'o buku ma segeli wapooteke ma di-disiraka, gee ma buku ma segeli 'o ngai tumudiingoka ge'ena. Ge'enaka de to'isene 'o barangi 'i'ahu-'ahu 'o ngai soatoka gee, 'o ngai moi 'ibicara ma di-disiraka, ma 'ilingi ma guatie matero ka 'o duturu. 'Ingose 'ato, "Nou!"

² De tamakeli 'o kuda ya'are-'arese moi de gee 'i'asa-'asa ma kuda ge'ena 'o toimi ma 'esa moi de ma ngowakoka ya'aono. De yadawongo 'o musu yalaku-laku ma tuala moi. Deika 'ena 'ilaku-lakuokau ge'ena 'itagi 'ikudoti ma ngale yalakuoli ma musu.

³ Ge'enaka de 'o Domba ma Ngowaka gu'una wapooteke 'o buku ma segeli 'o ngai moioli so ma modidiou, de to'isene 'o barangi 'i'ahu-'ahu ngai soatoka gee 'o ngai moioli 'ingose, "Nou!"

⁴ De 'o kuda yate-tereboko 'o ngai moi 'isupu. Ma kuda 'i'asa-'asa ge'ena yadawongo 'o kuasa ma ngale 'idiai 'o nyawa 'o duniaka yomakaparangi moi de moi, so 'o nyawa yomakato'oma. Ma ngale ge'enau so 'o kuda 'i'asa-'asaka gee ma Jo'oungu ma Dutu wokula 'o wase moi 'iamo-amoko.

⁵ Ge'enaka de 'o Domba ma Ngowaka gu'una wapooteke 'o buku ma segeli 'o ngai moioli so ma sa'angeu, de to'isene 'o barangi 'i'ahu-'ahu gee 'o ngai moioli 'ingose, "Nou!" De tamake 'o kuda 'itaro-taromo 'o ngai moi. Ma kuda 'i'asa-'asa ge'ena ya'aono 'o kilo 'o ngai moi.

⁶ De to'isene 'isoka 'o nyawa ma 'ilingi 'o barangi 'i'ahu-'ahu ngai soata ma sigoronano. 'O 'ilingi ge'ena 'ingose 'ato, "'O gandum yaowa-owa 'o literi moi ma 'ija kaimatero de 'o nyawa moi yomanarama 'o wange moi manga sewa. De 'o gandum ma 'iniki 'iregu 'o literi sa'ange ma 'ija kaimatero 'o nyawa moi yomanarama 'o wange moi manga sewa. Ma 'uwa niatorou 'o zaitun ma gota gee ma sowoko 'o goooro yadi-diai, de 'uwa niatorou 'o 'anggur ma betuoka."

⁷ Ge'enaka de 'o Domba ma Ngowaka gu'una 'o segeli 'o ngai moioli wapooteke so 'o ngai soatou, de to'isene 'o barangi 'i'ahu-'ahu 'o ngai soatoka gee moioli 'ingose 'ato, "Nou!"

⁸ De tamake 'o kuda 'iana-anasa moi. Ma kuda 'i'asa-'asa ge'ena ma ronga 'o Songene, de moioli 'itu-tu'uru ma dudunisa ma ronga 'o Songene ma Ngii. 'Ena yadawongo 'o kuasa ma Jo'oungu ma Dutuno ma ngale yato'oma 'o nyawa 'o duniaka gee 'isoka 'o bula soatoka so 'o bula moi yakibootuku ma ngekomo 'o parangi, 'o sawini, 'o panyake 'i'ini-'inioka, de 'o haewani 'iti-tingkai.

⁹ Ge'ena 'ipasa de tamake 'o Domba ma Ngowaka gu'una 'o segeli 'o ngai moioli wapooteke so 'o ngai motoau, de tamake 'o su-suba 'idu-dutuuku ma timioka 'o nyawa gee yakito-to'omakau manga jiwa. 'Ona yakito'oma sababu koyomaogo-ogoruwa yositotara ma Jo'oungu ma Dutu 'awi demo.

¹⁰ Yakito-to'omakau go'ona manga jiwa 'imasigasoko 'ingose 'ato, "Jou noku-kuasa, ngona notebini de notiai, tanu 'uwau 'ito'ingo de 'o nyawa 'o duniaka gee mito-to'omakau manga sala nosidumutu de nakihukumu."

¹¹ 'O nyawa gee ma sira yakito-to'omakau go'ona ma Jo'oungu ma Dutu wosimo-moi wokula 'o baju ya'are-'arese, de wakisidemo 'onaka la yotamaasi ma eta. 'Ona salingou yotamaasi sigado manga ma-manai gee wile-leleani ma Kristus yakito'oma 'isoka 'onali 'itotomokasi moteke ma Jo'oungu ma Dutu wositatapuokau.

¹² Ge'enaka de towimake 'o Domba ma Ngowaka wapooteke 'o segeli 'o ngai moioli so 'o ngai butangau. De 'i'osu posironga 'o guatino, de 'o wange koisiwaruwa so kaitaru-tarusikau, de 'o mede 'itereboko 'isoka 'o 'aunu.

¹³ 'O ngoma 'o diwanguku daku 'itotaka matero ka 'o 'ara ma sowoko ka ma gouosi de 'o rato yagiwi so 'itotaka.

¹⁴ De 'o diwanga 'iisanga matero ka 'o karatasi yapelele, de 'o gigie de 'o pulo 'ikokituluru ma ngiioka.

¹⁵ 'O koa-koana 'o duniaka, 'o nyawa yola-laagomo, 'o kapita de 'o nyawa yokaya-kaya, yopa-pareta de 'o nyawa 'iregu-regu 'iodumu, 'o yongosi de ko 'o yongosuwa yoodumu, yoma'iunu 'o teto 'i'iwa-'iwanga ma donga-dongaka de 'o 'aru-'arukoka 'o gigie ma timioka.

¹⁶ 'Ona yoma'orese 'o gi-gigieka de 'o teto-tetoka ge'ena yongose 'ato, "Uku minitamunuku ngomiku la 'una gee 'o koana ma go-gogeroka wogoge-gogerie wopa-pareta 'uwa mimake, de 'o Domba ma Ngowaka gu'una 'uwa mihukumu ngomi."

¹⁷ Sababu ma 'orasi ya'adonokau ma Jo'oungu ma Dutu de 'o Domba ma Ngowaka gu'una yahukumu 'o nyawa 'isinoimi, de komoiwa moi ya'akunu yomasiresene 'o hukumani ge'ena.

Wahyu

Video Wahyu 6

Ikuti Kami:

KONTAK | PARTISIPASI | DONASI