¹ Suratna an ere mo tanena Titus Bak hap, Alap mo nganak de syal gwe-gwen zini hen Kristus Yesus mo dam tasin zini Paulus onakon: Dawem! Eirzi-Bia mae hap asa dam lasiki: Ëe dikim Alap mo hlil irin zisi Kristussu de taibliblannak de tatem ezauk gwen hap dena kim titi tabirida gwen hap, hen zen dikim eiwakam de tawa tabinsi tame gun hup, hendep Alap en onak dikim dawemkam etal gwesin hip.
² Sap Alap man dwam gweka– nen dikim anakan dam gulsuk gwen hap, “Ëe eiwa asa ki hendep de gwen hap dena oltower.” Sap boton srem Zini Alap Zen mes engaya gwen hap dena insa okamana ansa de yang gulsun sremnak nesa gu-gubiridaka.
³ Yaklana mensa nesa de ngaya tabin hip de Zini Alap dam tasiki, zao kim ner hom zauk, Zen dekam zep zere mo orep de ol gu-gunnu insa abe mae hap goltreizimki. Zen dekam zep hen engaya gwen hap de ol dawem gol halada gwen hap de syala abe hap wei yul soneblaka.
⁴ Titus, em an eiwa ano tane, sap nen apdenak mese Kristussu laibliblaka. Nere mae mo Bian Alap ne nesa de ngaya tabin hip de Zini Kristus Yesus ne sa kwasang-kwasang zemka mamkam ebe hap ol gweblala. Hen em zeno nik mo taha terenak esa gwe gwera.
⁵ Ëe mae habe Kretak emsa hli tak: Kirekam-kirekam syala men zen nama lwa kiniꞌak, desa de em sul sonen hap. Nonol tangan ee ama emsa gubluk– Kristen zi mo nol-nolaka de e-e san dam tasibiridandan hap.
⁶ Kristen zisi de nol gwibiridan hap de dam tasinni, zen diki tingare zi zen anakan tame tan, “Zen enho kles gwesin sremna.” Hen nol gwen hap de dam tasinni, we dan son zisi bejen. Zen diki walas zem hen Kristussu zen taibliblan. Anakare zisi bahem nol gwen hap dam tasibin: Zeno walassa de aha zi anakan gubirida gwenna, “Zeno walasna in kareksa nol gwenan,” ahaksa, “Zeno walasna in hom bi zik mo ol san ang ta gwenan.” Kirekam de walas zik egwe gwenna, ki bejen bi zemka Kristen zisi de nol gwibiridan hap dam tasin.
⁷ Kristen zisi de nol gwibin zini, zen dwan Alap mo nganak de syal gwe-gwen hapke. Zep zen diki zi mo nwenak de enho kles gwesin srem naka de dam tasinkim. Zen zep anakare zisi bejen dam tasibin: bola-bola zi, jal soson zi, ho mamaksa de hole-hle gwe-gwibin zi, darak soson zi, hen te-alasa dikim gul irin hip de boton gwe-gwen zi.
⁸ Hwena anakare naka emki teibirida gwen: enlala tatetena, enho lalakna, enlala dam-damna, dawem ensa de dwam gwe-gwibinni, hen dawemkam de zere mo gola kon zisi lup gulin gwen naka.
⁹ Nol gwen zini, zen diki eiwa de olsa zen dawemkam gwirensik gwen– nen men kirekam taiblibin hip dena tawa la gwibirinke. Zen dekam sa aha zisi eiwa desan dep titi da gwibir. Hen zini men zen ola insa baes nei gwibiꞌin, desa sa anakan oto dasik gwibir, “Em kire nakone esyal heꞌan.”
¹⁰ Sap angkam zini beyakam hliwen hap edwam gwe-gweꞌan. Zen aha zisi zere mae mo totore olkam yasik da gwibiꞌin. Dawemkam Yahudi mo ausu nakore zi– men zen Yahudi srem eKristen gwen wenya to mip blom tasibin hip titi da gwibiꞌinke.
¹¹ Kire zini zen zi beyasa kim totore olkam ahak-ahak da gwibiꞌin– sap zi, sap we, hen sap walas. Hwena dekam zep hen zere mae mo tawa tabin karekna in hap te-alasa de golzimdin hip aberbe da gwibirin. Kire zini mip naka nen mat tasik gwibir-zimdin.
¹² Eiwa, lang tekna Kreta iwe de zini, zen karek-karek tanganna. Orep zere kore wal bongna ki, enlala blala. Zen man zere korena kip anakan ale gulku, “Kretak de zi ausuna an boton tamna, hen asang tamna, hen tembane ngalap-ngalapna– gwe makarena.”
¹³ Zeno ola in, zen eiwa de tanganna. Zen in zep udobe naban em jalse gwibirida gwen– dekakim Yesus ensa de taibliblannak etal gwesik.
¹⁴ Zep Kretak de Kristen zini, zen bap zen angkam Yahudi mo epba ol kokung gul gwen san ang ta gwen. Sap dekam hwena Alap mo ol tanganna man hli nul gwenan– zi mo totore titi tabin ol san dikim hwena ang ta gwen hap.
¹⁵ Sap enho lalak zini, zen banakare dawem maesa de okamanak hlaunnu, zen bejen hole gwibin. Kire zi hip okamanak awe hom tangan– dekon de zen Alap mo nwenak ekun gwen hap denaye. Hwena enho karek zi hip hen Kristussu de taibliblan srem wenya kip, banakare dawem maesa de hlaunnu, zen hwena hole-hle enlala san dep li nul sone gwenan. Kire zini bejen banakare maena enlala lalakkam enlala gwibin, sap zeno mae mo enlalana hendep enho naban mes tangan ekawesik.
¹⁶ Kire zini zen ek enkam anakan egu gwenan, “Ëe mese Alapsa tame tak.” Hwena zere mae mo kirekam-kirekam syal karekna in, dekon zep hwena nwe-mase gwe-gweꞌan– san de anakan de egu gwenna kiye, “Alap hom.” Kire nol drak-drak zi jal-jala, zen toton banakan dep? – dawemsa de syal gwibin niye.