Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'Esa moi riaka dodoto ka 'o ngo-ngaku moi, ngini nioodumu nianakokau 'ato 'o nyawa 'o besesongo yakiparetano duga ka ma 'orasi 'ona kayowango-wangosi.

² 'Isoka 'o ngeweka mimoi de 'ami rokatoka, muna ge'ena 'o ngaamoko ma besesongo mipusuika. 'O ngaamoko ma besesongo mipusuika ge'ena duga ka ma 'orasi 'ami rokata gu'una kawo'ahu-'ahuosi. Ma nako 'ami rokata gu'una wosongenokau, muna ge'ena komipusuikawau 'o ngaamoko ma besesongo.

³ Nako 'o ngeweka gumuna mo'ahu de 'o nauru 'iregu ma 'orasi 'ami rokata kawowango-wangosi, ge'ena 'o ngeweka gumuna posironga mosongou. Ma nako 'ami rokata wosongenokau, ge'ena moteke 'o besesongo muna kaidadioli mongaamoko. De nako muna mongaamokoli de 'o nauru 'iregu, muna komosongouwa.

⁴ Koge'enali mita ngini 'Esa moi. Ngini ma gou-goungu koniparetanowau 'o besesongo gee 'o Musa wositota-totara, sababu ngini matero kanimasidosongenokau de nisimomikokali de ma Kristus de niodadi to 'unau 'awi rongamoi. Ge'enau so 'idadi po'ahu moteke ma Jo'oungu ma Dutu 'awi mau.

⁵ Sababu ma sira ngone po'ahu moteke to ngone nanga mau. Ma 'orasi ge'ena 'o besesongo gee 'o Musa wositota-totara 'inaparetano, so nanga nyafisuu gee 'isowo-sowono 'ibaoro. Ge'enau so ngone padiai 'okia sonaa gee ma du'uruku 'o songene.

⁶ Ma ma 'orasi ne'ena ngone 'inasipidili 'o besesongo ge'ena ma paretaka. Ngone ma gou-goungu koinaparetanowau 'o besesongo ge'ena. Ma 'orasi ne'ena ngone powileleani ma Jo'oungu ma Dutu de nanga 'ahu ma sungi moteke 'o Ngomasa 'Itebi-tebini 'inasidumutokau ngoneno, so moteke ko 'o besesongokawa gee 'isilefo-lefoku.

⁷ Nako koge'ena de ngone salingou 'okia pongose? 'Ato ngone pongose 'ato 'o besesongo ma Jo'oungu ma Dutuno gee 'o Musa wositota-totara ge'ena 'itorou? Ma gou-goungu ko'uwa! Ma 'o besesongou ge'ena so ngoi tosikanako 'o sowono. Ngoi tanu kotanakowa 'o dopokana ge'ena 'okia nako 'o besesongo ge'ena koingosewa 'ato, "'Uwa 'inatopokana."

⁸ Ma ngekomo 'o besesongo ge'ena, so 'o sowono 'isibaoro 'o dopokana 'i'ini-'inioka 'ai singina ma dodaka. Sababu nako 'o besesongo koi'iwa ge'ena 'o sowono mita ma pareta ge'ena koi'iwa.

⁹ Ma sira ngoi kotanakowasi 'o besesongo gee 'o Musa wositota-totara ge'ena, ngoi tamaoku to'ahu. Ma gee tanakokau, de tamaoku tosowono

¹⁰ so tosongene. So 'o besesongo ge'ena ma dumutu 'isi'ahu, momongo ge'enau so tosongene.

¹¹ Sababu 'o besesongou ge'ena so 'o sowono 'isihaga de 'ito'oma ngoi.

¹² 'O besesongo gee 'o Musa wositota-totara ge'ena ma Jo'oungu ma Dutuno, de 'o pareta moi-moi ma besesongoka ge'ena mita ma Jo'oungu ma Dutuno, so 'iloa de yaowa.

¹³ So ne'ena ge'ena ko ma ngalewa 'ato gee yaowa-owa ge'ena so tosongene! Ma 'ena 'o sowonou ge'ena so tosongene. Ma ngekomo 'okia naga gee yaowa-owa, 'o sowono 'isidadi tosongene, la 'o sowono ma mau-mau kokia naga ge'ena pamake 'iwaiti. Moteke ma Jo'oungu ma Dutu 'awi pareta, 'iwai-waiti monga 'o sowono ge'ena 'itorou ma sala.

¹⁴ Ngone panako 'o besesongo gee 'o Musa wositota-totara ge'ena ma Jo'oungu ma Dutuno so ge'ena yaowa, ma ngoi ne'ena 'o nyawa gee katosowonoka. Ngoi tamoteke 'o sowono so matero kaiwukunokau ma ngale todadi 'o sowono ma yongosi.

¹⁵ Sababu ngoi ma sirete kotasahewa 'okia naga gee tadi-diai. 'Okia sonaa gee tomau tadiai, ge'ena kotadiaiwa. Ma 'okia naga gee todu-du'uduku, de ge'enau tadiai.

¹⁶ Nako ngoi tadiai 'okia naga gee koimakadaenuwa de to ngoi 'ai du-duaka, ge'ena ma ngale ngoi tongaku 'ato 'o besesongo ge'ena yaowa.

¹⁷ So ge'ena ma ngale ko ngoiwau todiai, ma 'ena 'o sowono gee 'iparetano ngoioka.

¹⁸ Ngoi tanako ngoi 'o nyawa biasa, ngoioka kokiawa yaowa-owa. 'Ai du-duaka de ma 'ena ma ngale todiai yaowa-owa, ma kota'akunuwa tosidagi.

¹⁹ Ngoi kotadiaiwa yaowa-owa gee tomau tadiai; so 'ena tadiai 'okia sonaa 'ito-torou gee tooluku tadiai.

²⁰ Nako ngoi tadiai 'okia sonaa gee toolu-oluku tadiai, ge'ena ma ngale ko ngoiwa tadiai so 'ena 'o sowono gee 'iparetano.

²¹ So ma ngekomo 'iodumu ge'ena tasahekau 'okia naga gee 'idadiokau ge'ena la nako ngoi tomau tadiai yaowa-owa, ge'ena ka gee 'o dorou tadiai.

²² To ngoi 'ai singina ma dodaka toduaka ma Jo'oungu ma Dutu 'awi besesongo,

²³ ma ngoi tamao ngoioka naga 'o besesongo 'iregu mita de ma 'ena gee 'imakatilikutu de to ngoi 'ai mau. Ge'enau so ngoi matero kaipusuika 'o sowono ma besesongoka gee 'iparetano.

²⁴ So ngoioka ge'ena koge'ena. Moteke to ngoi 'ai guata, ngoi tamoteke ma Jo'oungu ma Dutu 'awi besesongo, ma moteke 'ai 'ahu ma sira ma mau, ngoi tamoteke 'o sowono. Posironga totorouoka ngoi ne'ena! Nago'ona 'isilaha 'ai roese ma sigoronaka ne'ena gee 'isi'asa 'o songenika? 'Amalaha ma Jo'oungu ma Dutuka! 'Una womau woisilaha ma ngekomo ma Yesus Kristus.

²⁵ (7:24)

Roma

Video Roma 7

Ikuti Kami:

KONTAK | PARTISIPASI | DONASI