Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Do' anid-anid lemulun maya' ukum lun luk ngimet bawang. Ngaceku na luk idi lalud luk na biré Allah mo'. Idi amung-amung lalud ineh pangeh litep Allah.
2 Idé-idé luk sikal metueh ratnan lun rayeh ineh, ieh ineh ngelaba luk litep Allah; iamo' lemulun luk ngelaba ineh miak ngalap ukum kuan bururdeh sebuleng.
3 Ngaceku lun luk ngimet na ngacing tot kuan kekamen luk do', iamo' kuan kekamen luk dat. Pianmu na matot nan lun rayeh inehké? Nganau' luk do', pad iko miak ngalap ubur rat neneh.
4 Ngaceku ieh demulun Allah luk ngacing luk do' kuanmu. Iamo' kudeng iko nganau' luk dat, do' iko matot neneh, ngaceku baken ieh ngimet lalud ineh mo'-mo', ngaceku ieh demulun Allah, luk ngacing useh kuan idé-idé luk nganau' luk dat.
5 Ngaceku ineh do' muyuh maya' bala lun luk ngimet, baken ngaceku useh Allah mo', iamo' ngaceku teruayen niat muyuh.
6 Ineh punneh muyuh mayar acam teh; ngaceku ideh demulun Allah luk inau' lutep nganau' kekamen ini.
7 Do' muyuh mayar baleh muyuh kuan lun luk ngimet ineh, ieh ineh pupuk binaweh muyuh, idi pupuk tana' pana'. Ngedita' idi ngerayeh amung-amungdeh.
8 Aleg muyuh pebaleh kuan idé-idé pana', iamo' do' mawa seburur dengan seburur. Ngaceku idé-idé luk mawa inan lemulun, ieh ineh pangeh nenganau' Ukum Musa.
9 Ngaceku bala ini, "Aleg iko pasét, aleg iko ngaté, aleg iko mano, aleg iko melili," idi anun-anun ukum luk baken, ieh ineh pangeh pimung bang bala ini, ieh ineh, "Do' iko mawa nelun denganmu mepad kudeng bururmu sebuleng."
10 Idé-idé luk mawa nelun denganneh na ieh nganau' luk dat kuanneh. Ngaceku ineh awa ineh mangun ku dalan maya' amung ukum.
11 Do' muyuh mawa, ngaceku muyuh kali' karebneh. Karebneh pangeh nacing, idi petulu muyuh kulat ratnan rudap muyuh. Ngaceku nekini ulun ineh meluun muneng kuan tau ratnan atun kareb tau pun manu.
12 Idi dacem pangeh mado, idi acang pangeh muneng. Do' tau nala' amung-amung kekamen luk medacem, idi do' tau ngayung ku acang.
13 Do' tau mulun dengan ulun luk mepiteb mepad kudeng kareb acang aco; aleg dengan marot idi mabuk, aleg dengan mesawa', idi luk melutak, aleg dengan pekedaluh idi mét niat.
14 Iamo' do' muyuh ngayung ku Yésus Keristus Tuhan ineh, idi aleg ngerawé ratnan ulun tana' ini dengan ngakem luk pinianneh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA