Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Unggal jelma harus taat jama pemerintah, mani mak ngedok pemerintah sai mak mansa kekuasaanni jak Allah. Rik pemerintah sai wat tano inji, ngejalanko kekuasaanni atas perintah jak Allah.

² Udi sebabni jelma sai nantang pemerintah gegoh gaoh jama nantang api sai radu ditantuko ulih-Ni Allah. Rik jelma sai beguai injuk reno haga nerima hukuman.

³ Mani, jelma sai ngelakuko sai betik mak ikin rabai jama pemerintah. Angkah ulun sai beguai jahat gaoh sai harus rabai. Kik Puari haga in Puari mak ngerasa rabai tehadap pemerintah, Puari harus ngelakuko sai betik, maka Puari haga dipuji.

⁴ Mani pemerintah iado jelma sai ngebantu Allah sai beguai untuk kebetikanmu. Kidang kik Puari ngelakuko sai jahat, sangun Puari harus merabai jama ia, mani lainni sia-sia gaoh ia bekuasa untuk ngehukum jelma. Iado sai ngebantu Allah, sai ngejatuhko hukuman Allah jama ulun-ulun sai ngelakuko sai jahat.

⁵ Udi sebabni Puari harus taat jama pemerintah -- lain hak angkah mani Puari mak haga dihukum, kidang juga mani suara hati nuranimu.

⁶ Udido juga alasanni mengapi Puari ngebayar pajak, mani pemerintah iado pegawai-Ni Allah sai ngejalanko tugas sai khusus inji.

⁷ Jadi bayardo jama pemerintah api sai Puari harus bayar jama ia. Bayardo pajak, kik Puari harus ngebayar pajak; rik bayardo cukai kik Puari harus bayar cukai. Hargaido tian sai harus dihargai rik hormatido tian sai harus dihormati.

⁸ Dangdo behutang api gaoh jama sapa juga, kecuali behutang kasih tehadap peperda ram. Mani jelma sai mengasihi peperda manusia, radu memenuhi sunyin hukum Musa.

⁹ Mani hukum agama Yahudi, yakdo: Dang bezinah, dang ngebunuh, dang maling, dang mirak ngedok api sai ulun bareh kedau; sunyinni ano jejama jama hukum-hukum sai bareh, radu disimpulko jadi sai hukum gaoh, yakdo, "Kasihido jejama peperda manusia injuk niku mengasihi dirimu tenggalan."

¹⁰ Jelma sai mengasihi ulun bareh, mak ngelakuko sai jahat jama ulun udi. Jadi jelma sai mengasihi peperda keti iado jelma sai radu memenuhi sunyin syarat hukum agama.

¹¹ Lain jak sunyinni ano keti pandai bahwa saat inji iado waktu bagimu untuk minjak jak pedom. Mani waktuni untuk ram diselamatko radu lebih redik tano inji jak waktu ram ampai mulai percaya.

¹² Bingi radu hamper liwat; rik serebok lagi haga dawah. Jadi, helauni ram taru ngelakuko perbuatan-perbuatan kelam. Ram harus ngelengkapi diri ram jama senjata terang.

¹³ Ram harus ngelakuko hal-hal tehormat injuk sai biasani dilakuko ulun waktu dawah; dang bepesta pora melampaui batas, atau mabuk. Dang hajor atau bekelakuan mak sopan. Dang rigu, atau sesera.

¹⁴ Tagando Tuhan Isa Almasih sai nantuko api sai keti harus lakuko. Rik dang nutuk tabiat manusia sai bedusa untuk memuasko hawa nafsu.

Roma

Video Roma 13

Ikuti Kami:

KONTAK | PARTISIPASI | DONASI