Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Naupu haitu *malaeka kaalimana nompopomoni *tabuena. Nomonipa tabue haitu, nikitaku sangu betue lako ri langi nanavu sampe ri tana. Betue haitu nidekeika gunji vamba nu *lovu anu ledo rapakule mantuvu kandalana.
2 Naupu betue haitu nombabuka vamba lovu, nesuvumo unu nu apu oge lako riara lovu ndala haitu, nasimbayu mpo unu ntalua luo nitunju ntona. Bo mata nu eo bo laerava najadi nalanda sabana unu oge nesuvu lako riara lovu ndala haitu.
3 Bo lako riara unu haitu nesuvumo nggaboro-nggaboro hau notagu ri tana. Nggaboro-nggaboro haitu nipopompakule mompandasa manusia, nasimbayu mpo *supitole anu naria ri dunia.
4 Nggaboro gahaitu nitagi mompakamate kavoko bara kayu bara tuda-tuda ntanina riara dunia. Aga manusia ledo naria mere nu Alatala ri kirena nipaloga rapandasa nggaboro gahaitu.
5 Nggaboro gahaitu ledo muni nipaloga mompatesi manusia ri dunia. Ira aga nipaloga mompandasa ira pakadaa lima-mbula kasaena. Dua nirasai manusia anu nipandasa nggaboro haitu, nasimbayu mpo dua nirasai ntona nisii nu supitole.
6 Lima-mbula kasaena, manusia nipandasa nggaboro gahaitu nandasa mpuu nirasaira sampe nompasimbuku mamate, tapi ledo namate. Ira mpuu-mpuu madota mamate, tapi ledo namate.
7 Karo nggaboro gahaitu nasimbayu mpo jara nipesavi ntona mosieva. Ri balenggara naria sangaya nolenje mpo songgo bulava. Bo lenjera nasimbayu nte lenje nu manusia.
8 Bulu nggaboro gahaitu nasimbayu mpo bulua mombine. Bo ngisira mpo ngisi *singa.
9 Bambarara nitutui nu ruke-ruke mpo *baju ase. Bo moni kapira mpo moni doka nadea mpuu niumbu jara nangova hau ri posieva.
10 Lelo nggaboro gahaitu nasimbayu mpo lelo nu *supitole, bo bisa nu lelona haitu nasimbayu mpo bisa pesii nu supitole. Ri lelora haitu naria bisa mompakandasa manusia lima-mbula kasaena.
11 Naria saito magau najadi pakenira, iamo malaeka anu nakuasa mombabuka vamba lovu anu ledo rapakule mantuvu kandalana haitu. Sangana riara basa Ibrani, i Abadon, bo riara basa Yunani i Apolion. Batuana, Toperopu.
12 Pepandasa pamulana naliumo, tapi epemo! Da nariapa rongaya pepandasa ntanina makava.
13 Naupu haitu malaeka kaaonona nompopomoni tabuena. Bo niepeku naria suara notesa lako ri pata-njoki Lanta Pesomba nipovia lako ri bulava anu naria ri ngayo nu Alatala.
14 Suara haitu nanguli ka malaeka kaaonona ivei: "Volemo ampa malaeka anu nisoo ri Binangga Efrat haitu."
15 Jadi nivolenamo malaeka ampa haitu. Malaeka ampa haitu mai nipakasadia mamimo lako ri nggauluname bo ira nompopea gantana ri mpae bo bula bo ri eo bo jaa nipakatantumo, ala ira mamala mompatesi sabagia lako ri tatalu bagia manusia ri dunia.
16 Tantara-tantara nojara nantuntuni ira haitu roatu juta kadeana. Nisaniku kadeana sabana naria tona nanguli ka yaku.
17 Riara panggitaku nikitaku jara-jara bo topesavi-topesavi. Topesavi jara haitu nobaju ase. Bajura haitu nalei mpo vaya nu apu, bo nagavu mpo uve ntasi, bo nakuni mpo *vatu colonggata. Jara-jara gahaitu balenggara mpo balengga nu *singa, bo lako ri sumbara nesuvu unu, apu, bo vatu colonggata narega.
18 Sabagia lako ri tatalu bagia manusia ri dunia nipatesi ante talu-ngaya pepandasa, haitumo ante apu, unu nu apu, bo vatu colonggata narega anu nesuvu lako ri sumbara.
19 Bo ri lelo nu jara-jara haitu naria sangaya nolenje mpobalengga nu ule neteo. Ante lelora, nipandasara manusia. Jadi jara-jara gahaitu nompandasa bo nompatesi manusia ante sumbara bo ante lelora.
20 Manusia ntanina anu ledo namate riara pepandasa-pepandasa haitu, ledo ntoto najea lako ri pokainggura nadaa. Haitumo, ira ledo nadota nenonto nepatesi, bo ledo nadota nenonto nombadoti tona. Ira ledo nadota nenonto nosipogau ante tona ledo bereira mboto, bo ira ledo ntoto nadota nenonto nangangga. Ira ledo muni nenonto nombasomba *seta-seta bo anu nipoviara mboto, evamo *pinoito-pinoito nipoviara lako ri bulava, salaka, tambaga, vatu, bo kayu. Pinoito haitu ledo naria matana mekita bo ledo muni naria talingana meepe bo ledo nokada sampe mamala molipa.
21 (9:20)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA