Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Asap; ende-enden.
2 Ikataken kami bujur man BaNdu, o Dibata, ikataken kami bujur. GelarNdu iberitaken kami, PerbahanenNdu si mejin imomoken kami.
3 Nina Dibata, "I bas paksa si Kutentuken, reh aku ngerunggui alu bujur.
4 Aminna mundu-undu pe doni enda ras kerina isina, palasna tetap nteguh Kubahan.
5 Kukataken man kalak megombang, gelah ulanai ia megombang. Kukataken man kalak jahat gelah ulanai meganjang ukurna.
6 Kukataken man bana gelah ula meganjang rukur, ntah pe meganjang ngerana."
7 Sabap pengakimen labo reh i Timur ntah i Pustima nari, labo ka reh i Utara ntah i Daksina nari.
8 Tapi Dibata jine hakim, IukumNa sekalak dingen IpulahiNa si deban.
9 Pernembeh ate TUHAN desken calung i bas TanNa, calung isin lau anggur si rugup-ugup. Dibata nguseken calung e, kerina kalak jahat minem taresa ngayak keri.
10 Tapi rende aku muji Dibata nu Jakup, rasa lalap ateku meritaken PerbahanenNa. <75:11> - IpenggelkenNa kuasa kalak jahat, tapi kuasa kalak bujur reh tetapna.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA