Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani pambobai koor. Inggouni: Ulang parseda. Psalm humbani si Asap. Sada doding. (75-2) Ipuji hanami do Ham, ale Naibata, ipuji hanami do Ham, anjaha sidilo goran-Mu do mambaritahon halongangan na binahen-Mu.
2 (75-3) Tongon, bani panorang na hutotapkon, dalankononku do uhum ibagas hasintongan.
3 (75-4) Dugur pe tanoh on ampa na mangiankonsi, tapi anggo Ahu domma totap hubahen onjolanni. Sela.
4 (75-5) Ningku do dompak sigijang uhur, “Ulang gijang uhurmu!” anjaha dompak halak parjahat, “Ulang pagijang tandukmu! Ulang pagijang tandukmu,
5 (75-6) ulang hatahon hajungkaton dompak Batu Gingging in.”
6 (75-7) Ai sedo hun hapoltakan atap hun hasundutan, sedo hun halimisan roh ni hatimbulon;
7 (75-8) ai Naibata do panguhum, Ia do patoruh na sada, Ia patimbul na sada nari.
8 (75-9) Tongon, i tangan ni Jahowa do panginuman, marisi anggur na gurgur, na niraruan; painumkonon-Ni ma in, ningon inumon ni sidea ronsi paradni, maningon minum ganup halak parjahat i tanoh on.
9 (75-10) Tapi anggo ahu marolob-olob do sadokah ni dokahni, dodingkononku do Naibata ni si Jakob.
10 (75-11) Upokkonon-Ni do ganup tanduk ni halak parjahat, tapi pagijangon do ia tanduk ni halak parpintor.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA