Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tangessa Daud, se enyanyeyagi kaangguy amolja’agi PANGERAN lantaran Kus, oreng Benyamin. (7-2) Guste ALLAH, Pangeran kaula, abdidalem ngaoba ka Junandalem; nyo’ona salamet, sareng palopottagi abdidalem, GUSTE, dhari para moso se nyerser abdidalem.
2 (7-3) Ja’ kantos moso abdidalem daddi padha sareng macan, abdidalem eeret sareng ecarakem, ta’ kalaban manggi partolongan.
3 (7-4) Guste ALLAH, Pangeran kaula, ompamaepon abdidalem gadhuwan sala, malako jahat ka ca-kanca, otaba marogi moso ta’ kalaban badha sababba, manabi lerres sapaneka,
4 (7-5) (7:3)
5 (7-6) mandar abdidalem ekennenga pega’ moso, epate’e pas edinggal neng e tana.
6 (7-7) Ngereng Junandalem ngadek e dhalem dukaepon, GUSTE, labannagi so-moso abdidalem. Ngereng ngadek, abdidalem tolonge, sabab Junandalem ngarep kaadilan.
7 (7-8) Pakompol sadajana bangsa e sabingkerrepon Junandalem, kobasae dhari kalenggiyannepon Junandalem e sowarga.
8 (7-9) Junandalem ahakime ommat manossa; parenge abdidalem kaadilan, Guste PANGERAN, sabab abdidalem ta’ sala.
9 (7-10) Paambuwagi kajahadannepon oreng se daraka, sareng pakokowagi ateepon oreng se sae, sabab Junandalem Allah se adil, se ngagali ka essena ateepon manossa.
10 (7-11) Tang tameng reya Allah se masalamet oreng se morne atena.
11 (7-12) Allah reya hakim se adil ongguwan, se ros-terrosan ngokom oreng se jahat.
12 (7-13) Mon tengkana padha ta’ eoba, Allah kare ngocol sanjatana se madhateng maot. Allah bakal agangseya peddhang ban menthang gandhiba, ngaceddagi na-pana se kalowar apoy.
13 (7-14) (7:12)
14 (7-15) Abassagi oreng jahat se andhi’ sajja juba’; amaksod jahat, nepo ban lecegan.
15 (7-16) Oreng jahat masang barajak kaangguy oreng laenna, aba’na dibi’ se tajebbak sokona.
16 (7-17) Daddi aba’na eokom bi’ kajahadanna dibi’, eseksa bi’ kakerrasanna dibi’.
17 (7-18) Sengko’ asokkor ka PANGERAN, polana Pangeran reya adil, sengko’ anyanye moji PANGERAN Se Mahatenggi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA