Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Piraunna Daud, nakelongang ri Batara lanri Kus, tu Benyamin. (7-2) O, Batara Allata’alaku, iKatte kupa’la’langi; Kipasalamaka’ siagang Kilappassanga’ battu ri sikontu tau angngondanga’.

² (7-3) Teaki’ lappassangi ke’nanga sanrapang singa angkokkoka’ siagang anre’resanga’ na taena pannulungku.

³ (7-4) O, Batara Allata’alaku, ebara’ kodi sipaka’, a’gau’ ja’dala’ ri belaku, yareka kupakarugi natena saba’na, ebara’ kammai panggaukangku,

⁴ (7:3)

⁵ (7-6) boli’ma’ kamma niondang siagang nijakkala’ ri musu, nampa nibunoa’ kuniboli’ ri buttaya.

⁶ (7-7) Ambangung maKi’ lalang larroTa, o Batara, ewai jallo’na musu-musungku. AmbangungKi’ untu’ antulunga’, saba’ Kituntuki kaadelanga.

⁷ (7-8) Kipa’rappungi sikontu bansa-bansaya ri tammuliliTa, Kikoasai ke’nanga battu ri empoang kala’biranTa ri suruga.

⁸ (7-9) IKatte angngadeli umma’ rupataua; Kisarea’ kaadelang, o Batara, saba’ tena kusala.

⁹ (7-10) Kipammari kaja’dallanna tu dorakaya Kipakajarreki atinna tu bajika, saba’ iKatte Allata’ala adele’, antarrusukai atinna siagang pikkiranna rupataua.

¹⁰ (7-11) Pa’la’langangku iamintu Allata’ala ampasalamakai tu lambusu’ pa’maika.

¹¹ (7-12) Allata’ala haking adele’, siwattu-wattu anghukkungi tu ja’dalaka.

¹² (7-13) Punna tamamminraya gau’na ke’nanga, sadiai siagang sanjata pammunoNa. Nakantisiki pa’danna, na Napabantang otere’ panaNa nampa Nalappassang ana’-ana’ panaNa a’rinraya.

¹³ (7:12)

¹⁴ (7-15) Ciniki, tau ja’dalaka a’rancana kaja’dallang; appareki rancana ja’dala’ siagang nagaukangi annipua.

¹⁵ (7-16) Angngekei kali’bong untu’ tau maraeng, mingka kalenna tu’guru’ antama’.

¹⁶ (7-17) Jari nihukkungi lanri kaja’dallang kalenna tonji, siagang nisessai lanri kapala batuna tonji.

¹⁷ (7-18) Appala’ sukkurukka’ ri Batara lanri adeleki, kukkelong pammuji ri Batara, Kaminang Tinggia.

Mazmur

Video Mazmur 7

Ikuti Kami:

KONTAK | PARTISIPASI | DONASI