Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kaangguy pamimpinna koor. Menorot nyanyeyan: Dara se ta’ endha’ amonye, dhari dhaera se jau. Jaburra Daud e bakto epega’ oreng Filistin e Gat. (56-2) Ya Allah, kaneserre abdidalem, Guste, sabab abdidalem eserrang, ekaneyaja moso ros-terrosan.

² (56-3) Saare benteng abdidalem enyek-enyek moso; bannya’ se ngamoso abdidalem, Guste.

³ (56-4) E bakto abdidalem tako’, Junandalem se earep abdidalem, Guste PANGERAN Se Mahakobasa.

⁴ (56-5) Sengko’ ngagungngagi Allah polana se ejanjiyagi Salerana; sengko’ parcaja ka Salerana, daddi sengko’ ta’ tako’, manossa ta’ kera bangal apa-rapa ka sengko’.

⁵ (56-6) Saare benteng moso marepot sareng masossa abdidalem, padha aehteyar terros macalaka’a abdidalem

⁶ (56-7) Moso abdidalem padha akompol ngetek areng-sareng, nyendhemme sadaja se elakone abdidalem, nyare kasempadan mateyana abdidalem.

⁷ (56-8) Ba’ salamedda reng-oreng gapaneka dhari kajahadanna? Ya Allah, patompessagi reng-oreng gapaneka e bakto Junandalem duka!

⁸ (56-9) Junandalem se ngetong kasangsara’an abdidalem, Junandalem ngagali bannya’epon aeng mata abdidalem. Ponapa sadajana ta’ ebadhi paretongan sareng Junandalem?

⁹ (56-10) E are bakto sengko’ aserro ka Allah, moso bakal epokola sampe’ padha nyorot, sabab sengko’ tao Allah nolonge sengko’.

¹⁰ (56-11) Sengko’ ngagungngagi Guste ALLAH polana apa se ejanjiyagi Salerana.

¹¹ (56-12) Sengko’ parcaja ka Salerana, daddi sengko’ ta’ tako’ pa-apa, manossa biyasa ta’ ngenneng apa-rapa ka sengko’ reya.

¹² (56-13) Ya Allah, abdidalem neptebbana janji ka Junandalem, sareng ngatorragiya kurban sokkor ka Junandalem.

¹³ (56-14) Sabab Junandalem malopot abdidalem dhari maot, Junandalem ajaga abdidalem sopaja ta’ labu. Daddi abdidalem kengeng odhi’ e dhalem pangaobanna Allah, e dhalem sonar se nerrange sadajana se odhi’.

Mazmur

Video Mazmur 56

Ikuti Kami:

KONTAK | PARTISIPASI | DONASI