Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud tupung ia itangkap bangsa Pilisti i Gat.
2 O Dibata mekuah min AteNdu aku, sabap itindih musuhku aku, lalap aku iayak-ayakna.
3 Gedang-gedang wari iserang musuhku aku, nterem kal kalak si ngelawan aku.
4 Tupung aku mbiar, o Dibata si Meganjang, Kam saja penalemenku.
5 O Dibata, Kam kap pengarapenku, emaka la mbiar aku. Kai kin banci ibahan kalak man bangku? Kupuji Kam kerna kai si IpadankenNdu.
6 Gedang-gedang wari isuhsahi imbang-imbangku aku, lalap ia ersura-sura encilakaken aku.
7 Pulung ia i bas inganna cebuni, jenari iperdiatekenna kai si kulakoken ndarami kesempaten lako munuh aku.
8 Balas min kejahatenna, o Dibata, kernepken min ia alu PernembehNdu.
9 IdahNdu kap uga belinna kiniseranku, IperdiatekenNdu iluhku mambur, ma e kerina nggo isuratken i bas KitapNdu?
10 Tupung warina aku erlebuh man BaNdu, o Dibata, surut imbang-imbangku kerina, sabap tek aku maka Kam kap ras aku.
11 Kupuji Kam, o Dibata, kerna si nggo IpadankenNdu.
12 Kam kap pengarapenku, emaka la aku mbiar. Kai kin si banci ibahan kalak man bangku?
13 O Dibata, kupersembahken BaNdu kerina si nggo kupadanken, persembahen pengataken bujur kupersembahken BaNdu. <56:14> - Sabap IpulahiNdu aku i bas kematen nari, jenari IkawaliNdu maka la aku talu. Emaka banci aku erdalan i adep-adepen Dibata, i bas sinalsal si nerangi kerina si nggeluh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA