Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pujilah TUHAN! Pujilah TUHAN i Surga nari, o kam kerina si ringan i bas ingan si Meganjangna.

² O kam malekat-MalekatNa pujilah Ia, pujilah Ia, o kam kerina tentera Surga.

³ Pujilah Ia, o matawari ras bulan, pujilah Ia, o bintang-bintang si ersinalsal.

⁴ Pujilah Ia, o langit si meganjangna, pujilah Ia, o kam si lit i datas langit.

⁵ Kerina min muji TUHAN! Sabap Ia si merentahkenca maka kerina e jadi.

⁶ Kerina tinepa e ItetapkenNa InganNa seh rasa lalap, janah la banci la IpatuhiNa.

⁷ Pujilah TUHAN, o isi doni kerina, o naga lawit ras lawit si mbagesna,

⁸ o kilap ras baho, salju ras embun, angin si erpiu si patuh man PerentahNa.

⁹ Pujilah TUHAN, o uruk-uruk ras deleng-deleng, o kerina kayu si erbuah dingen kerangen kerina.

¹⁰ O rubia-rubia si melemuk ras si meliar, o rubia-rubia si njoler dingen perik-perik kerina!

¹¹ Pujilah Ia, o raja-raja ras bangsa-bangsa, o sibiak raja bage pe penguasa si deban;

¹² o anak perana singuda-nguda, o kam kerina orang tua ras anak-anak.

¹³ Berelah man kerina muji TUHAN! Sabap GelarNa ganjangen kap asangken kerina gelar. KemulianNa ganjangen asa doni ras langit.

¹⁴ Ia si mere gegeh man BangsaNa, man bangsa Israel KekelengenNa. Erkiteken si e kerina BangsaNa muji Ia. Pujilah TUHAN!