Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pujilah TUHAN! O tendingku, pujilah TUHAN.

² Asa umur geluhku kupuji ateku TUHAN, ateku rende man Dibata asa dekahna aku nggeluh.

³ Ula kam ernalem man raja-raja, la lit manusia si ngasup engkelini kam.

⁴ Kune mate ia, mulihken ia ku taneh, i bas wari si e kerina sura-surana peltep.

⁵ Malem ate kalak si TUHAN Dibata penundalenna, si ibahanna Dibata nu Jakup jadi penampatna,

⁶ si nepa langit, doni, lawit, ras kerina isina. Katawari pe ItepatiNa PadanNa.

⁷ Ia kap ngerunggui kalak si itindih man kalak si kelihen, IberekenNa nakan. TUHAN si nangtangi kalak si i bas penjara nari,

⁸ si pemedakken mata si pentang. Ipetedisna kalak si nggo guling, keleng AteNa man kalak bujur.

⁹ Kalak pertandang si lit i negerinta IkawaliNa, diberu si nggo mbalu ras anak melumang IsampatiNa, tapi sura-sura kalak jahat lalap IbanNa la sahun.

¹⁰ TUHAN kap raja sidekah-dekahna, o Sion, DibataNdu kap si erkuasa rasa lalap seh rasa lalap. Pujilah TUHAN!