Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 E penggirra ngay-songay Babil sengko’ ban reng-oreng laenna toju’ sambi nanges mon enga’ ka Siyon.
2 E ka-bungkana gandarusa e nagara jareya sengko’ ban reng-oreng laenna macangke’ calempong andhi’na bang-sebang.
3 Reng-oreng se nawan sengko’ ban reng-oreng laenna nyoro sengko’ kabbi anyanye kaangguy reng-oreng jareya. Reng-oreng se nendhes sengko’ ban reng-oreng laenna nyoro sengko’ kabbi anyanye nyanyeyan-nyanyeyan se gumbira, "Mara sengko’ ban reng-oreng laenna anyanyeyagi nyanyeyan-nyanyeyan dhari Siyon!"
4 Baramma sengko’ ban reng-oreng laenna se bisa’a anyanye e nagara manca?
5 Mandar sengko’ ta’ bisa’a anyanye pole, mon sengko’ sampe’ loppa ka ba’na, Yerusalim!
6 Mandar sengko’ ta’ bisa’a anyanye pole, mon sengko’ loppa ka ba’na ban ta’ nganggep ba’na se masenneng tang ate!
7 Kaemodi, GUSTE, ponapa se elakone oreng Edom e bakto Yerusalim epamosna. Reng-oreng gapaneka ngoca’, "Pagujur, pagujur sampe’ ka sar-dhasarra!"
8 He Babil, ba’na bakal epaancora! Pojur oreng se males ka kajahadanna ba’na, kajahadan se eteba’agi ka sengko’ sarta reng-oreng laenna.
9 Pojur oreng se ngala’ ji’-babaji’na ba’na pas ngontallagi ji’-babaji’ jareya ka gumo’ bato!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA