Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kundul kita i tepi lau Babil; iherta tangis nginget Sion.

² Ku batang dalu-dalu si ndeher i je, sisangketken kulcapinta.

³ Kalak si naban kita nuruh kita rende, si niksa kita nuruh kita ngende-ngendei ia nina, "Endeken man kami ende-enden kerna Sion."

⁴ Uga kita banci rende man TUHAN, i bas negeri kalak?

⁵ Madin lanai pada ndigan pe aku beluh ngkuit kulcapi, adi aku lupa man bandu o Jerusalem!

⁶ Ndigan pe lanai pada aku beluh rende, adi la kin kam kuinget, adi la kin Kam jadi keriahenku si mbelinna.

⁷ O TUHAN, ingetlah perbahanen kalak Edom, tupung bangsa e naluken Jerusalem. Inget tupung ikatakenna nina, "Radasken saja rata ras taneh!"

⁸ O Babil, la banci la ikernepken me kam, malem me ate kalak si erbalas man bandu, kerna kai si ibahanndu man kami.

⁹ Malem me ate kalak si muat anak-anakndu, dingen si ndampeskenca ku lingling batu.