Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pujilah TUHAN! Pujilah gelar TUHAN, o kam suruh-SuruhenNa,

² si tedis i bas Rumah TUHAN, i bas kesain-kesain Rumah Dibatanta.

³ Pujilah TUHAN, erkiteken mehuli kap Ia, pujilah GelarNa, sabap perkuah kap Ia.

⁴ IpilihNa Jakup man BaNa, kalak Israel jadi SikerajangenNa.

⁵ Kueteh maka mbelin kap TUHAN, belinen asang kerina dibata-dibata.

⁶ IbahanNa kai AteNa si IbahanNa i langit ntah i doni, i lawit ntah i bas lawit si mbagesna.

⁷ I bas tampuk doni nari IpenangkihNa embun, IbabaNa kilap i bas paksa udan, IperentahkenNa angin ndarat i bas GudangNa nari.

⁸ I Mesir IbunuhNa kerina si pemenana tubuh, subuk anak-anak manusia ntah asuh-asuhen.

⁹ I jah IlakokenNa melala tanda-tanda ras tanda kuasa, guna ngukum raja Mesir ras pegawaina.

¹⁰ Melala bangsa-bangsa IkernepkenNa, janah nterem raja-raja si mbisa IbunuhNa.

¹¹ Sihon raja Amori, ras Og raja Basan, dingen kerina raja-raja Kanaan.

¹² Jenari IberekenNa negeri e, man Israel BangsaNa jadi sikerajangenna rasa lalap.

¹³ O TUHAN, rasa lalap me Kam iberitaken selaku Dibata, dingen i bas tep-tep kesusuren, GelarNdu tetap iinget.

¹⁴ IbelaNdu BangsaNdu, dingen mekuah AteNdu kempak suruh-SuruhenNdu.

¹⁵ Dibata-dibata bangsa-bangsa ibahan i bas emas dingen pirak nari, eme bekas tan manusia erbahanca.

¹⁶ Lit babahna, tapi la beluh ngerana, lit matana, tapi la erpengidah.

¹⁷ Lit pinggelna, tapi la erpemegi, erkesah pe la ia banci.

¹⁸ Kerina kalak si nggo erbahanca dingen tek man bana, jadi me ia bali ras gana-gana bekasna nggana.

¹⁹ O kalak Israel pujilah TUHAN, o imam-imam Dibata pujilah TUHAN.

²⁰ O kalak Lewi, pujilah TUHAN, kerina kalak si malang man BaNa, pujilah TUHAN.

²¹ Pujilah TUHAN, i Sion, i Jerusalem, si jadi inganna. Pujilah TUHAN!