Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Nyanyeyan ziyara. Isra’il, mara careta’agi baramma carana ba’na ekaneyaja mosona dhari gi’ ngodhana.

² "Sengko’ ekaneyaja moso dhari gi’ ngodhana, tape sengko’ ta’ ekenneng pakala reng-oreng jareya;

³ tang moso maloka tang balikat, loka dhalem sabannya’na, akantha salaga se malobang teggal, lobang se dhalem ban lanjang.

⁴ Tape PANGERAN se adil malopot sengko’, ta’ sampe’ ekadunor oreng."

⁵ Moga saneyap oreng se baji’ ka Siyon epakala’a sampe’ kabbi padha nyorot.

⁶ Moga kabbi padha’a ban rebba e attas ata’, se kerreng sabellunna tombu ban nyenna;

⁷ tadha’ oreng se ngare’, tadha’ se agintel.

⁸ Reng-oreng se lebat ta’ kera ngoca’, "Moga ba’na eberkadana PANGERAN, sengko’ kabbi padha aberkadi ba’na bit asmana PANGERAN."