Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kelong siara. He Israel, paui antekamma batenu nisessa ri musu battu ri rungkanu.

² "Nisessa’ ri musu battu ri rungkaku, mingka takkulleai ke’nanga ambeta’;

³ nabokka’-bokkaki ke’nanga dongkokku, sanrapang tuppa’jeko appare’ kaloro’-kaloro’ la’bu ri kokoa.

⁴ Mingka adeleki Batara Napakabebasa’ma’ battu ri nipareka ata."

⁵ Boli’mi sikamma tau birisika ri Sion nibetai siagang ditunrungi ammunduru’.

⁶ Boli’mi ke’nanga sanrapang ruku’ rate ri pattongko’ a’jari kalotoro’ ri tenanapa nakkulle attimbo;

⁷ tena tau akkulle angkandaoi yareka ansikkoki a’jari a’basse.

⁸ Sikamma tau allaloa lanakana, "Poro nibarakkakiko ri Batara, ikambe ambarakkakiko lalang arenNa Batara."