Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kelong siara battu ri Daud. Antekamma ebara’ tena Naagangngangki’ Batara? He Israel, appialiko angkana,

² "Ebara’ angkana tena Naagangngangki’ Batara wattunta nibakkai ri balia,

³ le’ba’ maki’ naa’lu’ attallasa’, lanri allumpana larrona ke’nanga.

⁴ Le’ba’ maki’ nalo’lorang a’ba, siagang napammantangngi je’ne’;

⁵ mate tallang maki’ lalang ri pocci’na je’ne’ appakamallaka."

⁶ Umba kippala’ sukkuru’ mae ri Batara, lanri tena Nabalang parekangki’ niposso’ ri balia.

⁷ Sanrapangki’ jangang-jangang lappasaka battu patannang sikkoka, tappu’mi anjo sikkoka, nakilappasa’mo!

⁸ Pannulunta iamintu battu ri Batara ampa’jariai langika siagang linoa.