Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Doding laho tangkog. Humbani si Daud. Ambit lang Jahowa mangkasomani hita, sonai ma patut hatahonon ni Israel. Ambit lang Jahowa mangkasomani hita,

² sanggah roh halak mangimbang hita,

³ sai bondutonni do hita manggoluh, sanggah gajag ringis ni sidea dompak hita;

⁴ ayubkonon ni bah do hita, anjaha landaon ni bah marbanggal,

⁵ langkoban ni bah marhasak do tonduyta, tongon.

⁶ Na puji ma Jahowa na so mangondoskon hita, gabe sisorohon ni ipon ni sidea.

⁷ Maluah do tonduyta songon manuk-manuk humbani sambil ni parsambil, rotap do sambil, gabe maluah hita.

⁸ Pangurupion banta, ai ma ibagas goran ni Jahowa, na manompa langit pakon tanoh on.