Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kiam kalak jahat aminna la pe lit si ngelissa tapi kalak bujur mbisa bali ras singa.
2 Bangsa si perdosa, sambar-sambar si ngerajaisa, tapi bangsa si irajai kalak si beluh rukur tetap me percibalna.
3 Kalak erkuasa si nindih kalak musil, bali kap ia ras udan encedaken peranin.
4 Kalak si mpersilahangken undang-undang, ikapitina kap si jahat, kalak si patuh man undang-undang ilawanna kap si jahat.
5 Kalak jahat la iertina kai si bujur, tapi kalak si nembah TUHAN, iangkana kerina.
6 Madin jadi kalak mesera tapi pinter ukurna, asangken bayak tapi reluk-eluk ukurna.
7 Pentar kap anak perana si patuh man undang-undang, tapi kalak si erteman ras kalak rangap njuruken bapana kap.
8 Kalak si ndatken kebayaken alu pebungaken duit, dingen muat untung alu la ersisi, la banci lang ndabuh me kebayakenna e kempak kalak si erkuah ate man si musil-musil.
9 Adi la ikutkenndu undang-undang Dibata, megiken pertotondu pe mutah AteNa.
10 Kalak si ngajuk kalak bujur ngelakoken si jahat, ia jine nge ndabuh ku bas lubang si ikurukna. Kalak si bujur ukurna ia me dat kemalemen ate.
11 Kalak bayak beluh iakapna bana, tapi kalak musil si pentar itandaina nge bana.
12 Adi kalak bujur erkuasa, lit keriahen mekelek, tapi adi kalak jahat merentah, sinik kalak kerina.
13 Kalak si muniken dosana la banci sangap, kalak si ngakuken dingen nadingken dosana, ialemi Dibata kap.
14 Erkemalangenlah man TUHAN katawari pe, maka kam sangap. Adi mersik ukurndu, bene me kam.
15 Kalak jahat si engkuasai kalak si musil-musil, bali kap ia ras singa si erdengum dingen beruang si kelihen.
16 Sekalak raja si la rukur, kejam kap perbahanenna, tapi ernembeh ate man si la bujur, ndekah kap ia jadi raja.
17 Sekalak si pernah munuh pedas-pedas ikurukna lubang kuburna, ula pada ia iambati.
18 Adi kam bujur, malem atendu. Adi la kam bujur, rempet kam guling.
19 Perjuma si erbintuas bias kap nakanna, kalak si la make wari-wari, musil me ia.
20 Kalak bujur malem atena enggeluh, tapi kalak si meter atena bayak, la ia banci pulah i bas ukumen nari.
21 Rayo-ayo la kap mehuli; tapi lit kang kalak ngkapiti si salah erkiteken sepenggel roti.
22 Kalak merangap pedas atena bayak, la ietehna lanai ndekah reh kemusilen nindih ia.
23 Kalak si ngajari temanna, ia iergai lebih asangken si muji-mujisa.
24 Kalak si erpengakap maka labo erdosa nangko barang orang tua, bali kap ia ras pinangko.
25 Si ngukuri dirina jine ngelegi kiniseran saja ngenca, untungen adi kam tek man TUHAN.
26 Kalak si ernalem man perukuren saja, longor kap, si ngikutken ajar kepentaren, terkelin me.
27 Kalak si nggit mere man kalak musil la banci kurang i bas ia, kalak si ipitpitkenna matana nandangi keperlun kalak musil, isumpahi me.
28 Adi kalak jahat si erkuasa, cebuni kalak kerina. Adi kernep kalak jahat kerina, kalak bujur ka mulihken jadi raja.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA