Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sikamma pamimping siagang ra’ya’ ammantanga ri Yerusalem a’goccangi lomoro’ untu’ ampilei tasse’re battu ri sampuloa kaluarga, musti ammantang ri kota Matangkasa’ Yerusalem. Tenaya nipilei akkullei ammantang ri kota-kota maraenganga.

² Battu ri sikamma ke’nanga nia’mo rella kalenna untu’ ammantang tuli ri Yerusalem, na nipujimo ke’nanga ri ra’yaka.

³ Ri kota-kota maraenga, ra’ya’ Israel, sikamma imanga, tu Lewi, sikamma pajama Balla’Na Batara ri Yerusalem siagang sikamma turungang palayang ri Salomo, ammantangi ri tampa’na ke’nanga ri kota-kotana ke’nanga.

⁴ Siapa are tau battu ri suku Yehuda siagang Benyamin ammantangi ri Yerusalem. Iaminne areng-arenna ke’nanga: Anggota-anggota suku Yehuda: Ataya ana’na Uzia, cucunna Zakharia. Siapa area boe-boena ke’nanga iamintu: Amarya, Sefaca, siagang Mahalaleel, Peres, Yehuda. Jaina ke’nanga iamintu 468 tau sannaka baranina. Maaseya ana’na Barukh, cucunna Kolhoze. Siapa area boe-boena ke’nanga iamintu: Hazaya, Adaya, Yoyarib, Zakharia, Syela, Yehuda.

⁵ (11:4)

⁶ (11:4)

⁷ Anggota-anggota suku Benyamin: Salu ana’na Mesulam, cucunna Yoëd. Siapa area boe-boena ke’nanga iamintu: Pedaya, Kolaya, Maaseya, Itiel siagang Yesaya. Gabai siagang Salai. Ia ke’nanga bija ma’reppese’na Salu. Yangasenna ke’nanga 928 jaina tau, nipimping

⁸ (11:7)

⁹ ri Yoël ana’na Zikhri siagang wakkele’na, Yehuda ana’na Hasenua.

¹⁰ Sikamma imanga: Yedaya ana’na Yoyarib siagang Yakhin. Seraya ana’na Hilkia siagang cucunna Mesulam. Siapa area boe-boena ke’nanga iamintu: Zadok, Merayot, Ahitub a’jaria Imang Lompo.

¹¹ (11:10)

¹² Yangasenna nia’ 822 imang, ia tugasaka ri Balla’Na Batara ri Yerusalem. Adaya ana’na Yeroham, cucunna Pelalya. Siapa area boe-boena ke’nanga iamintu: Amzi, Zakharia, Pasyhur siagang Malkia.

¹³ Sikamma kapala kaluarga niaka lalang ri anjo golonganga iamintu 242 tau. Amasai ana’na Asareel cucunna Ahzai. Boe-boena ke’nanga iamintu kammaya: Mesilemot siagang Imer.

¹⁴ Battu ri anne golonganga nia’ 128 tusannaka baranina. Pamimpinna ke’nanga iamintu Zabdiel, ana’na Gedolim.

¹⁵ Tu Lewi: Semaya ana’na Hasub, cucunna Azrikam. Siapa area boe-boena ikambe iamintu Hasabya siagang Buni. Sabetai siagang Yozabad, sikamma tuniparalluanga, anjannangngi jama-jamang niaka ri pantaranganna Balla’Na Batara ri Yerusalem. Matanya ana’na Mikha, cucunna Zabdi, battu ri turungang Asaf. Iami pamimping mae ri sikamma pakelonga untu’ pappala’ doang sukkuru’. Bakbukya wakkele’na Matanya. Abda ana’na Samua, cucunna Galal, battu ri turungang Yedutun. Yangasenna nia’ 284 jaina tau.

¹⁶ (11:15)

¹⁷ (11:15)

¹⁸ (11:15)

¹⁹ Sikamma pajaga pakke’bu’ lompoa: Akub, Talmon, kammayatompa sikamma agang-aganna ke’nanga. Yangasenna ke’nanga nia’ 172 tau jaina.

²⁰ Ra’ya’ Israel, sikamma imanga siagang sikamma la’binna tu Lewia, ammantangi ri massing tampa’na ke’nanga, ri a’rupa-rupaya kota ri Yehuda.

²¹ Sikamma pajamaya ri Balla’Na Batara ri Yerusalem, ammantangi ri bageang kotana Yerusalem, niarenga Ofel. Anjamai ke’nanga nipimping ri Ziha siagang Gispa.

²² Sikamma pangawasa’ tu Lewi, ia ammantanga ri Yerusalem, iamintu Uzi ana’na Bani, cucunna Hasabya. Siapa area boe-boena iamintu kammaya Matanya siagang Mikha. Antama tongi golongang Asaf, ia tugasaka angngurusuki pamusika ri wattu passambayanganga ri Balla’Na Batara ri Yerusalem.

²³ Giliranna massing golonganga untu’ angngurusu’ musi’ ri passambayanganga ri Balla’Na Batara ri Yerusalem, nipattantu allo-alloi manuru’ paratoranna karaenga.

²⁴ Petahya ana’na Mesezabeel battu ri golongang Zera siagang suku Yehuda, a’jari wakkele’ bansa Israel ri balla’ lompoa ri Persia.

²⁵ Jai ra’yaka ammantang ri kota-kota assiampika siagang kokonna ke’nanga. Siapa are tu battu ri suku Yehuda ammantang ri daera alla’na Bersyeba bageang timborang siagang Ka’bung Hinom bageang wara’. Ammantangi ke’nanga ri kota-kota siagang desa-desa ri tammulilina iamintu: Kiryat-Arba, Dibon, Yekabzeel, Yesua, Molada, Bet-Pelet, Hazar-Sual, Bersyeba, Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

²⁶ (11:25)

²⁷ (11:25)

²⁸ (11:25)

²⁹ (11:25)

³⁰ (11:25)

³¹ Siapa are battu ri suku Benyamin ammantang ri Geba, Mikhmas, Ai, Betel siagang desa-desa niaka ri ampi’na,

³² ri Anatot, Nob, Ananya,

³³ Hazor, Rama, Gitaim,

³⁴ Hadid, Zeboim, Nebalat,

³⁵ Lod, Ono, siagang ri Ka’bung Tukang-tukang.

³⁶ Siapa are rombongang tu Lewi ammantanga riolo ri daera Yehuda, nisuroi ammantang siagang tu Benyamin.