Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Para pamimpinna bangsa Isra’il neptep e Yerusalim ban ra’yat padha ajumbu’ ellot kaangguy mele settong kalowarga dhari saneyap sapolo kalowarga se kodu abengko neng e Yerusalim. Se ta’ kapele olle neng e tha-kottha laenna.

² E antarana badha se ehlas neptep e Yerusalim; reng-oreng jareya ealem bi’ ra’yat.

³ E tha-kottha laenna, ra’yat Isra’il, para imam, reng-oreng Lewi, para tokang se alako e Padalemman Socce ban toronanna para pangladinna Sulaiman padha abengko neng e tana andhi’na dibi’ sarta e tha-kotthana dibi’.

⁴ Badha reng-oreng dhari suku Yehuda ban suku Benyamin se neptep e Yerusalim. Areya’ dhaftarra nyamana reng-oreng jareya: Reng-oreng dhari suku Yehuda: Ataya ana’na Uziya, kompoyya Zakhariya. Reng-oreng se tamaso’ bangatowana e antarana iya areya: Amarya, Sefaca ban Mahalale’el, Peres, Yehuda. Bannya’na badha pa’ ratos sabidak ballu’ oreng se padha gaga’ parjuga. Ma’aseya ana’na Barukh, kompoyya Kolhoze. Reng-oreng se tamaso’ bangatowana iya areya: Hazaya, Adaya, Yoyarib, Zakhariya, Syela, Yehuda.

⁵ (11:4)

⁶ (11:4)

⁷ Reng-oreng dhari suku Benyamin: Salu ana’na Mesulam, kompoyya Yowëd. Reng-oreng se tamaso’ bangatowana e antarana iya areya: Pedaya, Kolaya, Ma’aseya, Itiyel ban Yesaya. Gabai ban Salai, bala rapedda Salu. Bannya’na kabbi badha sangang atos ballu lekor oreng epimpin bi’

⁸ (11:7)

⁹ Yowël ana’na Zikhri ban bakkella, iya areya Yehuda ana’na Hasenuwa.

¹⁰ Para imam: Yedaya ana’na Yoyarib ban Yakhin. Seraya ana’na Hilkiya kompoyya Mesulam. Reng-oreng se tamaso’ bangatowana e antarana iya areya: Zadok, Merayot, Ahitub se daddi Imam Agung.

¹¹ (11:10)

¹² Bannya’na kabbi badha ballung atos dhu lekor imam se epassrae lalakon e Padalemman Socce. Adaya ana’na Yeroham, kompoyya Pelaliya. Se tamaso’ bangatowana e antarana iya areya: Amzi, Zakhariya, Pasyhur ban Malkiya.

¹³ La-kapalana kalowarga e dhalem kaom jareya bannya’na dhu ratos pa’ polo dhuwa’ oreng. Amasai ana’na Asare’el, kompoyya Ahzai. Bangatowana e antarana iya areya: Mesilemot ban Imer.

¹⁴ Dhari kaom jareya badha saratos ballu lekor pahlawan se gaga’ parjuga. Pamimpinna iya areya Zabdiyel, ana’na Gedolim.

¹⁵ Reng-oreng Lewi: Semaya ana’na Hasub kompoyya Azrikam. Bangatowana e antarana iya areya: Hasabya ban Buni. Sabetai ban Yozabad, reng-oreng Lewi penting se ngawase lalakon e lowarra Padalemman Socce. Matanya ana’na Mikha kompoyya Zabdi, dhari toronan Asaf. Matanya jareya pamimpinna para tokang nyanye kaangguy du’a sokkor. Bakbukya bakkella Matanya. Abda ana’na Samuwa kompoyya Galal, dhari toronanna Yedutun. Bannya’na kabbi dhu ratos ballung polo empa’ oreng.

¹⁶ (11:15)

¹⁷ (11:15)

¹⁸ (11:15)

¹⁹ Para panjagana labang saketheng: Akub, Talmon ban ca-kancana. Bannya’na kabbi saratos pettong polo dhuwa’ oreng.

²⁰ Ra’yat Isra’il, para imam ban reng-oreng Lewi laenna enneng e tanana dibi’ e pan-barampan kottha e Yehuda.

²¹ Para tokang se alako e Padalemman Socce enneng e bagiyanna kottha Yerusalim se anyama Ofel. Reng-oreng jareya alako epimpin Ziha ban Gispa.

²² Pangawassa reng-oreng Lewi se enneng e Yerusalim iya areya Uzi ana’na Bani kompoyya Hasabya. Bangatowana e antarana iya areya: Matanya ban Mikha. Uzi jareya tamaso’ kaom Asaf, se andhi’ kawajiban ngoros mosik e dhalem kabakteyan e Padalemman Socce.

²³ Giliranna saneyap kaom kaangguy ngoros mosik e Padalemman Socce sabban arena etantowagi menorot atoranna rato.

²⁴ Petahiya ana’na Mesezabe’el dhari kaom Zera ban suku Yehuda, abakkele bangsa Isra’il e karaton Persiya.

²⁵ Bannya’ e antarana ra’yat se enneng e tha-kottha se semma’ ban gal-teggalla. Badha reng-oreng dhari suku Yehuda se enneng e dhaera e antarana Bersyeba bagiyan lao’ ban Cora Hinom bagiyan dhaja. Reng-oreng jareya enneng e tha-kottha se kasebbut e baba reya ban e sa-disa e sabingkerra: Kiryat-Arba, Dibon, Yekabze’el Yesuwa, Molada, Bet-Pelet Hazar-Suwal, Bersyeba Ziklag, Mekhona En-Rimon, Zora, Yarmut Zanowah, Adulam, Azeka, Lakhis.

²⁶ (11:25)

²⁷ (11:25)

²⁸ (11:25)

²⁹ (11:25)

³⁰ (11:25)

³¹ Reng-oreng dhari suku Benyamin badha se enneng e Geba, Mikhmas, Ai, Betel ban sa-disa e ma’-semma’na,

³² e Anatot, Nob, Ananya,

³³ Hazor, Rama, Gita’im,

³⁴ Hadid, Zebo’im, Nebalat,

³⁵ Lod, Ono ban e Corana Kang-tokang.

³⁶ Pan-barampan rombonganna oreng Lewi se sabellunna enneng e dhaera Yehuda pas esoro apolong ban reng-oreng Benyamin.