Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN reya Rato! Mara bume anga-bunga, ban lo-polo padha paperak!
2 Pangeran ekalenglenge ondhem ban papetteng; kaadilan ban hokom menangka dhasarra pamarenta’anna.
3 Apoy alatlat e ajunanna, mapotthon moso e sakalenglengnga.
4 Dhap-keddhabba nera’e dunnya, bume ngetter nangale’e jareya.
5 Nong-gunong ngalelle akantha lilin e ajunanna PANGERAN, e ajunanna Pangeran, se ngobasane saantero bume.
6 Langnge’ aberta’agi kaadilanna, sa-bangsa kabbi nangale’e kamolja’anna.
7 Reng-oreng se nyemba brahala padha epamalowa, sakabbinna diba bakal asojuda e ajunanna PANGERAN.
8 Pandhudhu’ Siyon ban tha-kottha Yehuda senneng e bakto ngedhing potosanna PANGERAN.
9 Sabab Junandalem, PANGERAN Se Mahakobasa, pangobasana saantero bume; Junandalem agung, ngalebbi’i sadajana diba.
10 Mara ba’na kabbi se taresna ka PANGERAN, jauwi ban kabaji’i kajahadan! Sabab Pangeran ngaobi odhi’na ommadda, mabebas ommadda dhari kobasana oreng se daraka.
11 Tera’ la moncar kaangguy oreng se berse atena, ban kagumbira’an kaangguy oreng se jujur odhi’na.
12 Mara pagumbira, reng-oreng se berse atena, polana sabarang se la elampa’agi PANGERAN, ban asokkor ka Allah se socce.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA