Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Masmur Daud.

² O TUHAN, Tuhan kami, KemulianNdu teridah i belang-belang doni. Seh kudas Surga Kam terpuji;

³ danak-danak ras si gara-gara rende muji Kam. KinirajanNdu nteguh la terundu, imbang si ngelawan Kam IsompelNdu babahna.

⁴ Adi kutare ku langit TinepaNdu, kuidah bulan ras bintang-bintang si ItamakenNdu i bas inganna.

⁵ Kai kin manusia e, maka IngetNdu ia? Manusia kap ngenca, ngkai maka ipekena-KenaNdu ka ia?

⁶ IbahanNdu ia teruhen asangken Kam ngenca, ItangkuhkenNdu ia alu kemulian ras kehamaten.

⁷ ItangkuhkenNdu ia jadi raja, merentah kerina TinepaNdu kerina ItamakenNdu ku tapak-tapak NaheNdu:

⁸ biri-biri, lembu, rubia-rubia si meliar,

⁹ perik-perik dingen nurung, bage pe kerina si nggeluh i lawit. <8:10> - O TUHAN, Tuhan kami, KemulianNdu teridah i belang-belang doni.