Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud.
2 O Dibatangku begiken pertotonku, sabap aku i bas kesusahen. Mbiar kal aku, kempak musuh-musuhku. Kelini min aku.
3 Kawali aku i bas pertakin kalak jahat nari, i bas kalak jahat si nterem nari.
4 Igarutna dilahna desken pedang, entelap rananna bagi panah.
5 Alu erbuni-buni icedakenna gelar kalak si tutus. Alu la meteh mela meter babahna ncekurakisa ngadi-ngadi getem.
6 Tetap ukurna, ndalanken sura-surana si jahat; ersada arihna guna nogeng siding, janah iakapna labo lit si ngidahsa.
7 Isurakenna erbahan si jahat, dingen iakapna maka nggo serta rencanana e. Pusuh ras perukuren manusia, ise pe la meteh kuga bagesna.
8 Tapi ipanah Dibata kalak jahat alu PanahNa, emaka rempet ia luka.
9 IkernepkenNa kalak jahat erkiteken rananna, emaka ngupir kasa kai kalak si ngidahsa.
10 Kenca bage maka mbiar kalak kerina, emaka rukur ia kerna kai si nggo ibahan Dibata, dingen nuriken kerna kai si IlakokenNa. <64:11> - Emaka kerina kalak benar ermeriah ukur, i bas Tuhan. Ku Ia me cicio, kerina kalak bujur muji Ia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA