Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ende-enden Daud.
2 Nina kalak bodoh i bas ukurna, "Labo lit Dibata." Kerina kalak bodoh pertaki pacik, dingen ilakokenna perbahanen si macik; la lit ise pe si ngelakoken kai si bujur.
3 I Surga nari iperdiateken Dibata kap manusia e, ngenenca ntah mawen lit kalak si pentar, ntah lit kalak si ndarami Dibata.
4 Tapi kerina kalak nggo papak perbahanenna, iraskenna erbahan jahat. La lit sekalak pe ngelakoken si benar, sekalak pe lang.
5 Nina Dibata, "La kin ieteh kalak enda? Kerina kin kalak jahat la erpemeteh? Nggeluh ia ngerampuki bangsangKu, dingen la ia pernah ertoto man bangKu."
6 Nehenlah, musuh bangsa TUHAN nggirgir perban biarna, kebiaren si bage belinna langa pernah inanamina. Sabap ikerapken Dibata tulan-tulanna, itulak Dibata, emaka talu ia. <53:7> - Ertoto kal aku, maka reh kemenangen i Sion nari, andiko riahna ukur kalak Israel, adi TUHAN erbahanca sangap ka ia mulihi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA