Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kaangguy pamimpinna koor. Nyanyeyan pangajaranna Daud, (52-2) e bakto Doëg, oreng Edom, dhateng ngatore oneng ka Saul ja’ Daud la napa’ ka compo’na Abimelekh. (52-3) He oreng se kowat, arapa ba’na me’ ngandellagi kajahadanna ka oreng se ekataresnae Allah?
2 (52-4) Saare benteng ba’na nepo ban andhi’ sajja jahat; jilana ba’na akantha ladding panyokor se tajem.
3 (52-5) Ba’na aleburan ka kajahadan etembang kabecce’an, aleburan acaca lecek etembang acaca sabendherra.
4 (52-6) Kalaban cacana ba’na co-ngoco ban nyake’e atena oreng!
5 (52-7) Tape ba’na bi’ Allah bakal epatompessa salanjangnga, ba’na bakal etangkebba, eereda dhari bengkona, epamosna’a dhari dunnyana oreng odhi’.
6 (52-8) Nangale’e jareya reng-oreng alem bakal tako’a, ngala’-gella’ ba’na sambi ngoca’,
7 (52-9) "Arowa’ oreng se ta’ nyare pangaoban ka Allah, tape parcaja ka kakowadanna kasogiyanna, ban nyare kaamanan e dhalem barang rampasanna."
8 (52-10) Tape sengko’ padha ban bungkana jaitun se biru e Padalemman Socce. Sengko’ parcaja ja’ Allah teptep taresna salanjangnga.
9 (52-11) Abdidalem ros-terrosan asokkora ka Junandalem, abdidalem aberta’agiya kabecce’annepon Junandalem e adha’epon sadajana ommadda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA