Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Jaburra kaom Korah. Kaangguy pamimpinna koor. (47-2) Mara akopa’ paperak, sa-bangsa kabbi! Anyanye pakaja amolja’agi Allah!

² (47-3) Sabab PANGERAN Se Mahatenggi reya nako’e, Rato Agung se ngobasane saantero bume.

³ (47-4) Sengko’ ban ba’na padha epamennang ka sa-bangsa, epadaddi pangobasana ku-suku bangsa.

⁴ (47-5) Sengko’ ban ba’na padha emeleyagi tana sangkolan, kagumbira’anna bangsa se ekataresnae Salerana.

⁵ (47-6) Allah la alenggi e korse karaja’anna, eerenge sorak ban monyena tarompet.

⁶ (47-7) Nyanyeyagi pojiyan amolja’agi Allah, nyanyeyagi pojiyan ngagungngagi Ratona sengko’ ban ba’na!

⁷ (47-8) Allah reya Rato e saantero bume, molja’agi Salerana ban nyanyeyan se bagus!

⁸ (47-9) Allah alenggi e korse karaja’anna se socce; Salerana marenta sa-bangsa.

⁹ (47-10) Para pamimpinna sa-bangsa padha akompol menangka ommadda Allah se epojja Ibrahim. Sabab Allah reya Ratona rato, se talebat agung ban molja.