Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ende-enden anak Korah.
2 Dibata kap kecion dingen gegehta, lalap ia sikap nampati katawari kita i bas kesusahen.
3 Emaka la kita gentar, aminna pe doni mundu-undu, janah deleng-deleng gedap ku teruh lawit;
4 Aminna pe lawit ergalumbang dingen rugup-ugup, dingen deleng-deleng pe kumetter itendengna.
5 Lit kap lau mbelin si mereken keriahen man kota Dibata, kota ingan tading Dibata si Meganjangna.
6 I je kap Dibata ringan, emaka labo ndigan pe kernep kota e, sabap IberekenNa penampat tupung matawari pultak.
7 Dibata erlenggur, emaka melengas doni enda; bangsa-bangsa gentar, kerajan-kerajan mugur-ugur.
8 TUHAN si Mada Kuasa kap ras kita, Dibata nu Jakup kubu pertahanenta.
9 Mari nehenlah perbahanen TUHAN, IbahanNa kesenggeten i doni.
10 IpengadiNa perang i belang-belang doni enda, panah IripukkenNa, lembing IpenggelkenNa.
11 Nina, "Pengadilah erperang, ertikenlah maka Aku kap Dibata. Aku kap si Meganjangna i bas bangsa-bangsa si Meganjangna i belang-belang doni enda." <46:12> - TUHAN si Mada Kuasa kap si ras kita, Dibata nu Jakup kubu pertahanenta.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA