Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ O Dibata kapiti min perkarangku, nandangi kerina kalak jahat. Cidahkenlah maka labo aku ersalah, pulahi min aku i bas kalak jahat ras penipu nari.

² Kam kap pengawalku, ngkai maka aku ItadingkenNdu? Ngkai maka tetap ceda ateku erkiteken itindih imbang-imbangku?

³ Cidahken KesetianNdu lako nalsali aku, gelah aku ibabaina mulih ku Sion, deleng si badia, jenari kudahi ku RumahNdu.

⁴ Maka kudahi batar-BatarNdu, o Dibata, Kam kap ulu kemalemen ateku. Janah ngkuit kulcapi rende me aku muji Kam, o Dibata, o Dibatangku.

⁵ Ngkai maka ndele ateku? Ngkai maka susah kuakap? Ku Dibata saja aku erpengarapen, jenari kupuji Ia tole, Si Engkelini aku dingen penampatku.