Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud.
2 Alu ukur sabar kutimai penampat TUHAN, IbegikenNa aku janah iperdiatekenna perserkongku.
3 IrintakNa aku i bas lubang cilaka nari, IpedaratNa aku i bas kubang si mbages nari. Maka tetap pertedisku, ItamakenNa aku i datas deleng batu.
4 IajarkenNa bangku ende-enden si mbaru, eme ende-enden pujin man TUHAN. Nterem kalak ngidah dingen mbiar, jenari tek kempak TUHAN.
5 Sangap kalak si ernalem man TUHAN, kalak si la nggit nembah man berhala-berhala, si la ikut ras kalak si nembah man dibata-dibata si la tuhu.
6 Nggo melala kal PerbahanenNdu si mehuli man kami o TUHAN Dibata kami, la lit si seri ras Kam! Andiko lalana rencana si mehuli si nggo IbahanNdu guna kami, la terturiken aku kerina perban lalana.
7 Persembahen gelehen dingen persembahen pangan la Kam merincuh, persembahen pengalemi dosa la IpindoNdu. Tapi nggo IberekenNdu pinggel man bangku, si banci megiken SoraNdu.
8 Emaka ningku ngaloi, "I jenda aku; i bas KitapNdu isuratken kerna aku.
9 O Dibata ngena ateku ndalanken PeratenNdu, PengajarenNdu kubuniken i bas pusuhku."
10 O TUHAN, i bas perpulungen bangsandu kumomoken, berita si mehuli kerna keselamaten si IberekenNdu. IetehNdu kap e TUHAN, maka la pernah aku ngadi ngerana kerna si e.
11 I bas perpulungen BangsaNdu la pernah aku sinik, berita keselamaten la pernah kurusiaken. Asa lalap kumomoken, kerna KesetianNdu, PenampatNdu dingen keleng AteNdu si la ermasap-masap.
12 O TUHAN, kuteh maka gelgel AteNdu keleng nandangi aku, keleng ate dingen KesetianNdu rasa lalap ngkawali aku.
13 Kiniseran si ngkeleweti aku, la terbeligai lalana. Dosa-dosangku ngelis-ngelis aku, emaka lanai aku erpengidah. Teremna imbang-imbangku, lalan asa buk i bas takalku, em erbahanca bene ukurku.
14 O TUHAN kelini min aku, sampati min aku genduari.
15 Bahanlah maka kalak si atena munuh aku, talu dingen bene ukurna. Janah kalak si ersurak ngenen kesusahenku, surut dingen mela akapna.
16 Tersenggetlah dingen melalah iakap kalak si nawa-nawai aku.
17 Ersuraklah dingen meriahlah ia kap si ndarami Kam. Kerina kalak si ngataken bujur perban nggo IkeliniNdu ia, tetaplah ngataken, "Andiko muliana TUHAN!" <40:18> - O TUHAN, aku enda kalak si la ergegeh dingen musil, tapi la aku IlupakenNdu. Kam kap penampatku dingen si mulahi aku, o Dibatangku, rehlah Kam genduari.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA