Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pammujina Daud, ri wattu larina battu ri ana’na, Absalom. (3-2) O, Batara, tamaka jaina musungku, sanna’ jaina ambakkaia’!

² (3-3) Jaimi tau mangkana taerokai Allata’ala antulunga’.

³ (3-4) Mingka iKatte, o Batara, a’jari pa’la’langangku. Kisarea’ pammetang, naKipakalompo pa’maikku.

⁴ (3-5) Makkioka’ ri Batara; Nappiali ri nakke battu ri bulu’ matangkasa’Na.

⁵ (3-6) Kunra’ba naung sannang tinroku, kumbangung pole lanri niriwaku.

⁶ (3-7) Tamallakka’ ri musu assa’bua makkuliling ri nakke battu ri kemae-kemae.

⁷ (3-8) Kipasalamaka’, o Batara Allata’alaku, hukkungi naKipesoki sikontu balingku.

⁸ (3-9) Ri Katte kabattuanna pannulunga, o Batara, poro Kibarakkaki ummatTa.