Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pujilah TUHAN! Andiko ulina rende muji Dibata; andiko senangna ras bujurna muji Ia.
2 Jerusalem ipanteki TUHAN kap mulihi, kalak buangen IbabaNa ka mulih.
3 IpepalemNa kalak si getem pusuhna, dingen IbalutiNa ugahna.
4 Ia si nentuken beligan bintang-bintang i langit, dingen IbahanNa gelarna sada-sadai.
5 Mbelin dingen mbisa kal kap Tuhanta, KepentarenNa pe la tersipati.
6 Kalak si meteruk IpeganjangNa, tapi kalak jahat IdampeskenNa.
7 Endekenlah ende-enden pujin man TUHAN, rendelah muji TUHAN alu kulcapi.
8 Ia kap si engkimbangken embun i langit, si mereken udan ku doni, si peturah dukut i uruk-uruk.
9 Ia kap si mere nakan man rubia-rubia, si mere nakan man perik kak si ciap-ciap ku Ia.
10 TUHAN la ngena AteNa kuda si megegeh, la DiateNa tentera-tentera si mbisa.
11 Tapi ngena AteNa man kalak si erkemalangen man BaNa, si ernalem man keleng AteNa si tetap.
12 Pujilah TUHAN, o Jerusalem! Pujilah Dibatandu, o Sion!
13 Ia si erbahanca pintu gerbangndu tetap nteguh. Ia si masu-masu kalak si ringan i bas kam.
14 Ia si njagai perbalengen daerahndu maka dame, si mereken kesenangen man bandu alu gandum si mejilena.
15 Ia si mereken perentah man doni, kai si IkatakenNa minter jadi.
16 IkimbangkenNa salju desken kapas, IkencerkenNa embun desken abu.
17 IdabuhkenNa baho desken batu rintik, kerina kalak nggirgir perbahan bergehna.
18 BekasNa ersuruh emaka es melengas, IembuskenNa angin emaka lau jadi maler.
19 IpesehNa KataNa man bangsana, perentah-PerentahNa ras undang-UndangNa man Israel.
20 Perbahanen si bage la IbahanNa man bangsa-bangsa si deban, bangsa-bangsa e la meteh undang-UndangNa. Pujilah TUHAN!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA