Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ E bakto bangsa Isra’il kalowar dhari Messer, e bakto toronanna Yakub ngalle dhari nagara manca,

² bi’ Pangeran Yehuda ebadhi kalenggiyanna se socce, Isra’il ebadhi baba kakobasa’anna.

³ Tase’ Galagas nangale’e Salerana laju buru, Songay Yordan se agili pas ambu.

⁴ Nong-gunong ca’-lonca’an akantha embi’, mo’-gumo’ cal-pancalan akantha budhu’na dumba.

⁵ Badha apa, tase’, ba’na me’ buru? Badha apa Songay Yordan, se agili me’ ambu?

⁶ Apa sababba ba’na me’ ca’-lonca’an, nong-gunong, ban arapa ba’na me’ cal-encalan, mo’-gumo’?

⁷ He bume, mara ba’na pangetter e ajunanna Pangeran, e ajunanna Allahna Yakub,

⁸ se ngoba bato karang epadaddi taman, ban ngoba gunong epadaddi somberra aeng.