Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Haleluya! Puji nasiam ma, ale juakjuak ni Jahowa, puji nasiam ma goran ni Jahowa!

² Na puji ma goran ni Jahowa, humbani sonari ronsi sadokah ni dokahni.

³ Humbani hapoltakan ni mata ni ari das hu hasundutan, sai tarpuji ma goran ni Jahowa.

⁴ Timbul do Jahowa i atas ni sagala bangsa, i atas ni sagala langit do hamuliaon-Ni.

⁵ Ise ma doskon Jahowa, Naibatanta, i nagori atas atap i tanoh on,

⁶ na marparatas i babou, anjaha na manatap-natap dompak toruh?

⁷ Na pajongjong halak na madorun humbani orbuk, anjaha na pagijangkon halak na masombuh humbani hubang,

⁸ laho pahundulhonsi rap pakon halak na sangap, rap pakon halak na sangap ni bangsa-Ni.

⁹ Ia do mambahen boratan rumah parinangon na lambang, gabe inang sibuei anak, gok malas ni uhur.