Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Molja’agi PANGERAN! Sengko’ asokkor ka PANGERAN sampe’ ka dhasarra ate, e nga’-tengnga’anna kompolanna ommadda.

² Ajib onggu sabarang se elampa’agi PANGERAN, patot etalektegi reng-oreng se lebur ka Salerana.

³ Sabarang se elampa’agi PANGERAN reya agung ban makasambu’ atena manossa, kaadilanna langgeng saterrossa.

⁴ PANGERAN reya bellas ase, alampa’agi sabarang se makasambu’ ate, sengko’ ban ba’na sopaja teptebba enga’ ka Salerana.

⁵ Pangeran marenge rajekke ka oreng se abakte ka Salerana, sarta emot terros ka parjanjiyanna.

⁶ Salerana noduwagi kobasana ka ommadda, kalaban marenge ommat jareya tana sangkolanna sa-bangsa.

⁷ PANGERAN reya adil ban esto e dhalem sabarang se elampa’agi, sakabbinna papakonna ekenneng andellagi.

⁸ Hokomma terros koko salanjangnga, eparengngagi sabendherra ban sajujurra.

⁹ Allah mabebas ommadda, mabadha parjanjiyan se langgeng ban reng-oreng jareya. Jareya PANGERAN se socce ban parjuga!

¹⁰ Sapa se terro bicaksana’a kodu hormat ka PANGERAN, Salerana apareng pangarteyan ka sakabbinna oreng se ta’at. Molja’agi PANGERAN salanjangnga!