Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Utiye daputari lo mongotiyombu lo Ta pilojanjiya lo Allahuta'ala mowali olongiya ta moposalamati manusiya, deuwitoyito te Almasih. Te Almasih yito ti Isa waliya li nabi Dawud wawu waliya li nabi Ibrahim.

² Ti nabi Ibrahim lo'otapu walao te Ishak, te Ishak lo'otapu walao te Yakob, te Yakob lo'otapu walao te Yehuda wolo mongowutatiyo.

³ Te Yehuda lo'otapu walao te Peres wawu te Zerah to oli Tamar. Te Peres lo'otapu walao te Hezron, te Hezron lo'otapu walao te Ram.

⁴ Te Ram lo'otapu walao te Aminadab, te Aminadab lo'otapu walao te Nahason, te Nahason lo'otapu walao te Salmon.

⁵ Te Salmon lo'otapu walao te Bowas to oli Rahab. Te Bowas lo'otapu walao te Obed to oli Rut. Te Obed lo'otapu walao te Isay.

⁶ Te Isay lo'otapu walao ti nabi Dawud ta lowali olongiya lo tawu lo Israel. Ti nabi Dawud lo'otapu walao ti nabi Sulayiman lonto dile le Uriya.

⁷ Ti nabi Sulayiman lo'otapu walao te Rehabeyam, te Rehabeyam lo'otapu walao te Abiya, te Abiya lo'otapu walao te Asa.

⁸ Te Asa lo'otapu walao te Yosapat, te Yosapat lo'otapu walao te Yoram, te Yoram lo'otapu walao te Uziya.

⁹ Te Uziya lo'otapu walao te Yotam, te Yotam lo'otapu walao te Ahas, te Ahas lo'otapu walao te Hizkiya.

¹⁰ Te Hizkiya lo'otapu walao te Manase, te Manase lo'otapu walao te Amon, te Amon lo'otapu walao te Yosiya.

¹¹ Te Yosiya lo'otapu walao te Yekonya wawu mongowutatiyo tou timongoliyo pilomailiyo ode lipu lo Babel.

¹² To masa lo utimongoliyo pilomailiyo mota ode lipu lo Babel sambe deu ti Isa Almasih pilotutuliyo waliya limongoliyo odiye: Te Yekonya lo'otapu walao te Seyaltiyel, te Seyaltiyel lo'otapu walao te Zerubabel.

¹³ Te Zerubabel lo'otapu walao te Abihud, te Abihud lo'otapu walao te Elyakim, te Elyakim lo'otapu walao te Azur.

¹⁴ Te Azur lo'otapu walao te Zadok, te Zadok lo'otapu walao te Akim, te Akim lo'otapu walao te Eliwud.

¹⁵ Te Eliwud lo'otapu walao te Eleyazer, te Eleyazer lo'otapu walao te Matan, te Matan lo'otapu walao te Yakob.

¹⁶ Te Yakob lo'otapu walao te Yusup hiyali Mariya ta lopotutu mayi oli Isa ta heibodento te Almasih.

¹⁷ Wolo uodito, lonto oli nabi Ibrahim sambe ode oli nabi Dawud nga'amila mopulu wawu wopato waliya, lonto oli nabi Dawud sambe ode wakutu pilopomaiyaliyo ode lipu lo Babel mopulu wawu wopato waliya wawu lonto u pilopomaiyaliyo ode lipu lo Babel sambe deu ti Isa Almasih pilotutuliyo mopulu wawu wopato waliya olo.

¹⁸ Cirita tomimbihu pilotutuwaliyo oli Isa Almasih odiye: Tou ti Mariya ti mama-Liyo titilantahe wole Yusup, ti Mariya ilomboda'a sababu kawasa lo Roh lo Allahuta'ala, openu timongoliyo dipo helotuluhe pe'enta.

¹⁹ Te Yusup tilantahiyo boyito tawu ngota motulide hilaliyo. Sababu uwito, tiyo dila yinawo mopo'olita oli Mariya. Tiyo ma lomutusani molola mao oli Mariya wolo udila otawa lo tawu.

²⁰ Bo tou tiyo donggo hemomikirangi odito, malaikati lonto Allahuta'ala lotibiloheo oliyo to delomo tohilopo wawu loloiya odiye, ”Yusup waliya li nabi Dawud, dila pohe yio mohama oli Mariya mowali dilemu, sababu Ta ukikia to delomo ombongiyo boyito asaliliyo lonto Roh lo Allahuta'ala.

²¹ Tiyo ma motutu mayi lo ta lolai ngota wawu yio musi mongohi mao tanggula o-Liyo ti Isa. Tiyo ta moposalamati lo kawumu-Liyo monto hukumani sababu dusa-dusawala limongoliyo.” Odito u pilolele lo malaikati ode le Yusup.

²² Nga'amila boyito lowali alihu mowali ganapu Pirimani u pilopotunggulayi lo Allahuta'ala Eya loli nabi odiye,

²³ ”Ototayi mao: Ta dulahu boyito ma mowali omboda'a wawu ma motutu mayi lo ta lolai ngota. Tawu-tawuwalo ma molanggula o-Liyo te Imanuwel.” Odito Pirimani lo Allahuta'ala. Tanggula Imanuwel boyito, deboliliyo mao Allahuta'ala woluwo pe'epe'enta wolanto.

²⁴ Tou te Yusup lobongu mayi lonto otuluhe, tiyo ma lopohutu mao odelo u pilomarenta mayi lo malaikati lo Allahuta'ala boyito. Tiyo lohama oli Mariya lowali dileliyo.

²⁵ Bo tiyo dila helotuluhe pe'epe'enta woli Mariya sambe deu ti Mariya lotutu mayi lo walaiyo ta lolai ta ma tanggulaliyo ti Isa.

Matius

Video Matius 1

Ikuti Kami:

KONTAK | PARTISIPASI | DONASI