Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 “Bahen ma sada anjapanjap humbani hayu nangka, lima asta ganjangni, lima asta bolagni; maningon marompat suhi anjapanjap ai anjaha tolu asta gijangni.
2 Bahen ma tandukni bani suhi-suhi na ompat ai; sada ma ai pakon tandukni ai, anjaha lapisonmu do ai bani tombaga.
3 Bahen ma parabuananni, suyuk-suyukni, mangkukni, garpuni pakon parapuyanni; humbani tombaga ma ganup pauli parugasni ai.
4 Bahen ma homa hondor-hondorni humbani tombaga na iangit, anjaha bahen ma hubani jala ai ompat pinggol-pinggol tombaga hubani suhi-suhi na ompat ai.
5 Bahen ma hondor-hondor ai i toruh ni topi ni anjapanjap ai, das hubani parsitongahan ni anjapanjap ai.
6 Anjaha maningon bahenonmu do lanja-lanja bani anjapanjap ai, lanja-lanja humbani hayu nangka, anjaha lapisonmu do ai bani tombaga.
7 Pamasukon ma lanja-lanja ai hubagas pinggol-pinggol ai, ase marlanja-lanja ma angkup anjapanjap ai, sanggah mangusung.
8 Pauli ma ai marruang, marpapan; songon na dob pinatuduhkon bam i dolog ai, sonai ma bahen.”
9 Bahen ma alaman ni lampolampo ai; martirei humbani hiou silopak na alus, na niangkup ma bahen alaman ai hampit dangsina, saratus asta ganjangni bani na salopah;
10 dua puluh tiangni anjaha ondolanni dua puluh, humbani tombaga, tapi hait-kait ni tiang ai ampa ransang-ransangni pirak do.
11 Sonai homa mangihutkon ganjangni hampit utara maningon martirei do, saratus asta ganjangni, tiangni dua puluh anjaha onjolanni dua puluh, humbani tombaga; tapi hait-kait ni tiangni ampa ransang-ransangni pirak do.
12 Anggo buha ni alaman ai hampit hasundutan maningon martirei do, lima puluh asta ganjangni, sapuluh tiangni anjaha sapuluh onjolanni.
13 Buha ni alaman ai hampit hapoltakan lima puluh asta do.
14 Anjaha sapuluh lima asta ganjang ni tirei ai bani salopah hampit horbangan ai, tolu tiangni anjaha tolu onjolanni.
15 Bani na salopah nari pe sapuluh lima asta ganjang ni tireini, tolu tiangni anjaha tolu onjolanni.
16 I lobei ni horbangan ni alaman ai maningon adong do tirei dua puluh asta ganjangni humbani bonang na mahonda, na gerger pakon na gerger sahalian pakon humbani hiou silopak na alus, na niangkup anjaha na tinonunkon, tiangni ompat anjaha onjolanni ompat.
17 Ganup tiang ni alaman ai inggot maningon mardomu marhitei ransang-ransang pirak pakon hait-kait pirak anjaha onjolanni tombaga do.
18 Ganjang ni alaman ai saratus asta, bolagni lima puluh asta, anjaha gijangni lima asta, martirei humbani bonang na niangkup, tapi onjolanni tombaga do.
19 Ganup parugas na pinakei bani lampolampo ai laho mandalankon horja na marbagei-bagei ai, ronsi haganup pakuni pakon ganup paku ni alaman ai maningon humbani tombaga do.
20 Parentahkon ma hubani halak Israel, ase iboban sidea hubam minak jetun pitah na niduda, bahen minak ni parsuluhan ai, ase tongtong gara parsuluhan ai,
21 ibagas lampolampo partumpuan ai, i darat ni tirei ai, na i lobei ni poti parpadanan ai; maningon nahitan ni si Aron pakon anakni parsuluhan ai, olat ni bodari ronsi patarni ai i lobei ni Jahowa. Ai ma aturan na totap sadokahni-dokahni bani halak Israel ronsi ginompar ni sidea.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA