Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dhabuna PANGERAN ka Mosa, "Sengko’ ngokoma rato Messer ban ra’yadda sakaleyan aggi’. Samarena jareya ba’na tanto eedine kalowar dhari nagarana. La’-mala’ ba’na bakal eojuga kabbi dhari nagarana jareya.

² Sateya kassa’ balai reng-oreng Isra’il, lalake’an ban babine’an, padha soro entar ka ga-tatanggana, soro menta emmas ban salaka."

³ Bi’ PANGERAN bangsa Messer epalamba’ atena ka reng-oreng Isra’il. Apa pole bi’ ba-ponggabana rato sarta ra’yat Messer Mosa talebat ehormadi.

⁴ Atorra Mosa ka rato, "Badha dhabuna PANGERAN, ‘Ra-kera tengnga malem Sengko’ entara ka Messer, epabalattra’a.

⁵ E bakto jareya saneyap ana’ sareyang bakal mateya, molae dhari ana’ sareyangnga rato se bakal aganteya daddi rato, sampe’ ka ana’ sareyangnga nor-dunor babine’an se lakona agilis gandum. Bariya keya budhu’ sareyangnga ebinna.

⁶ Messer bakal rammeya ban tanges, se ta’ tao kadaddiyan sabellunna ban ta’ kera kadaddiyana pole.

⁷ Tape reng-oreng Isra’il sarta ebinna ta’ eli-guliya. Daddi ba’na bakal taowa ja’ bi’ Sengko’ reng-oreng Messer epabida dhari reng-oreng Isra’il.’"

⁸ Dhi-budhina Mosa adhabu, "Ba-ponggabana junandalem bakal nyabisa ka abdidalem sareng asojud e adha’na abdidalem, sareng nyo’on sopaja bangsa abdidalem ebakta’a ondur sadaja dhari nagara ka’dhinto. Saamponna gapaneka abdidalem pas ondura." Samarena jareya Mosa pas nyengla, panggaliyanna ce’ peggella.

⁹ Dhabuna PANGERAN, ka Mosa, "Rato jareya gi’ paggun ta’ kera ngedhingngagi ka ba’na, sopaja kaajiban se epabadha Sengko’ e Messer sajana bannya’."

¹⁰ Mosa ban Harun terros mabadha kaajiban acem-macem e ajunanna rato, tape bi’ PANGERAN rato jareya paggun epacengkal, daddi rato jareya paggun ta’ marengngagi oreng Isra’il nyengla dhari nagarana.

Keluaran

Video Keluaran 11

Ikuti Kami:

KONTAK | PARTISIPASI | DONASI