Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ambit iribakkon Ham ma namin langit in anjaha susur Ham, gabe dugur ma dolog-dolog i lobei-Mu,
2 songon apuy na mambahen gara soban, anjaha songon apuy na pagurgur bah, ase tarbarita goran-Mu bani imbang-imbang-Mu, anjaha bangsa-bangsa gobir i lobei-Mu.
3 Anggo ibahen Ham halongangan na so tinagam ni uhurnami, susur Ham tene, gabe malala dolog i lobei-Mu,
4 ai ma na so ongga binogei humbani na basaia. Seng ongga ibogei pinggol, seng ongga ididah mata, dong Naibata sobali Ham, na manumpaki halak na marpangarapan Bani.
5 Ijumpahkon Ham do halak na bujur mangkorjahon hapintoron, halak na mardingat Ham bani dalan-Mu. Tonggor ma, manggila do Ham, halani mardousa hanami hu Bamu humbani sapari anjaha marbalik hanami.
6 Gabe doskon halak na mabutak do hanami ganup, anjaha hapintoronnami ganup songon hiou gok bani na mabutak. Melus do hanami haganup songon bulung-bulung, anjaha iluahon hajahatonnami do hanami songon pambahen ni logou.
7 Sahalak pe seng dong na mandilo goran-Mu, atap na mamorluhon marsijoloman Bamu; ai domma iponopkon Ham bohi-Mu hun bennami, anjaha iondoskon Ham hanami bani kuasa ni hajahatonnami.
8 Tapi tene, ale Jahowa, Bapanami do Ham! Tanoh halampung do hanami, anjaha Ham do Sitompa hanami; ganup do hanami jadi-jadian ni tangan-Mu.
9 Ulang ma mamarahtu Ham, ale Jahowa, ulang ma tongtong mardingat Ham bani hajahaton! Marpanatap ma Ham, ai bangsa-Mu do hanami ganup.
10 Gabe halimisan do sagala huta-Mu na pansing in; gabe halimisan do Sion anjaha tarulang Jerusalem.
11 Rumah na pansing anjaha na marmulia bennami, ianan ni ompungnami mamuji Ham, mosog do ibahen apuy; anjaha sagala ianan hamalasan ni uhurnami bois do mareong.
12 Mangidah ganupan ai, tahan do Ham, ale Jahowa? Sai sip ope Ham, anjaha ompoton-Mu ope mangodoh-odoh hanami?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA