Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tapi sonari, tangihon ma, ale Jakob, juakjuak-Ku, ampa ho Israel, na dob Hupilih in!
2 Sonon do nini Jahowa, na manjadihon ho, na marrumang ho i partapaan ope, anjaha na sihol mangurupi ho: Ulang ho mabiar ale Jakob, juakjuak-Ku ampa ho ale Jesurun na Hupilih in.
3 Ai useihonon-Ku do bah bani tanoh na horah, ampa bah mardalan bani tanoh dorging-dorging: Useihonon-Ku do Tonduy-Hu bani dakdanakmu ampa pasu-pasung-Ku bani ginomparmu.
4 Jadi martumbor ma sidea songon poyon-poyon i lambung ni bah, anjaha songon arung-arung i topi ni bah mardalan.
5 Hatahonon ni deba halak ma, “Jahowa do simada ahu; na legan marpanggorankon goran ni Jakob, na legan use manuratkon bani tanganni, ʻRupei ni Jahowa, anjaha manggorani dirini marhitei goran Israel.ʼ”
6 Sonon do hata ni Jahowa, Raja ni Israel, anjaha na paluahkonsi, Jahowa Zebaot! “Ahu do na parlobei anjaha Ahu do na parpudi; seng dong Naibata sobali Ahu.
7 Ise ma na songon Ahu? Idilohon ma ai, ipatugah ma, ituri-turihon ma i lobei-Hu. Ise do na patugahkon humbani mungkahni, aha na sihol masa? Ipabotohkon ma banta aha na sihol roh!
8 Ulang hanima gobir, ulang mabiar! Ai lang domma humbani nahinan Hupabogeihon anjaha Hupabotohkon ai bannima? Anjaha hanima do saksi-Ku. Ai adong do Naibata sobali Ahu? Seng dong batu gingging, seng dong anggo Hubotoh.”
9 Sipauli gana-gana, na lang do ganup sidea, anjaha na hinarosuhkon ni sidea seng marguna ai; saksi ni sidea seng marpangidah, seng marpambotoh, halani ai bador do sidea.
10 Ai ise do sidea sipauli naibata, situang gana-gana na so marguna ai?
11 Tonggor ma, ganup hasomanni ai tarbador do, anjaha tuhangni jolma do; age pe martumpu anjaha marrohan sidea, sai na tarsonggot do sidea anjaha bador.
12 Tuhang bosi patureihon hapak, marhasoman milas ni apuy; itopa do ai marhitei parpalu, ipadear marhitei gogoh ni tanganni; pala loheian ia gabe seng margogoh, maradu seng minum bah ia gabe galek ia.
13 Tuhang hayu pagistang bonang arang, mambahen martanda marhitei panurat; ihorjai ma ai marhitei hotam, iuhir anjaha ipolas; ibahen ma ai mangusihi dalahi, songon jolma na jenges, laho marianan ibagas rumah.
14 Adong halak na marroboh hayu ares bani, atap na mambuat hayu maranti atap hoting batu, na pinilihni humbani hayu na i tombak; adong na manuan hayu tusam, ipabanggal-banggal udan ma ai.
15 Marguna do ai bani jolma gabe soban ibuat ma deba hunjai bahen pandadangan, deba pagara apuy laho pamasak ruti; ipauli do homa hunjai naibata, anjaha isombah ma ai; ibahen do hunjai gana-gana anjaha marrogop ia i lobei ni.
16 Satongah hunjai panggarai ni apuy, igoreng do gulei marhitei ai, anjaha na ginoreng ai ipangan gabe bosur; mandadang homa ia anjaha ihatahon ma, “Ah, malas huahap, ibahen apuy on!”
17 Na tading ai gabe naibata ibahen, gabe gana-gana, marrogop ma ia hujai laho marsombah; martonggo do ia hujai, nini, “Paluah ham ma ahu, ai ham do naibata bangku.”
18 Seng dong na binotoh ni sidea, anjaha seng dong na niartihon ni sidea; domma rapit mata ni sidea seng marpangidah, anjaha domma hobal uhur ni sidea, gabe seng marpangartian be.
19 Seng dong na marimbagaskon seng dong habotohon atap pangarusion, gabe ihatahon, “Satongah hututung ibagas apuy, anjaha hupamasak roti i atas narnarni, hugoreng gulei anjaha hupangan; mintor bahenonku ma na tading ai gabe sisombahon? Mintor manrogop ma ahu i lobei ni samponggol hayu?”
20 Siramotkon abuan, uhurni do na hona tipu anjaha na kahou ijai; seng tarpaluahsi tonduyni atap tarluarhonsi, “Ai ladung do nani na ibagas tangan siamunkon?”
21 Paruhurhon ma on ale Jakob ampa ho ale Israel, ai juakjuak-Ku do ho! Ahu do na manjadihon ho, juakjuak-Ku do ho, ale Israel, seng anjai lupahonon-Ku ho.
22 Domma Hupasisi salahmu songon hombun, anjaha songon hombun na manorap dousamu. Mulak ma ho hu Bangku, ai Ahu do na manobus ho.
23 Marolob-olob ma, ale langit, ai Jahowa do sibahen ai! Marsurak ma, ale pusat ni tanoh on! Marmegah-megah ma ale dolog, ampa ho ale tembok, rap pakon sagala hayu na ibagas ai! Ai domma itobus Jahowa Jakob, anjaha marhitei Israel marmulia Ia.”
24 Sonon do hata ni Jahowa na manobus ho anjaha na manjadihon ho sanggah i partapaan ope. Ahu do Jahowa, na manjadihon sagala na dong, na paherbang langit marhitei Ahu tumang, anjaha na paamparhon tanoh on marhitei gogoh-Ku sandiri;
25 na manlangkon tanda ni parladung, na mambahen oto partondung, na mambahen surut hu pudi halak na pentar, anjaha na mambahen haotoon hapentaran ni sidea;
26 na mambahen totap hata ni juakjuak-Ni, anjaha na pasaudkon ranggian na ipatugah suruhan-Ni, na mangkatahon bani Jerusalem, “Ningon ianonkon do; anjaha bani huta-huta ni Juda: Ningon paulion do anjaha reong-reongni pajongjongon-Ku do;
27 na mangkatahon bani bah na bagas: Horah ma, anjaha binangani arsikon-Ku do;
28 na mangkatahon bani si Kores: Ale parmahan-Ku anjaha sagala sura-surang-Ku pasaudonni do; na mangkatahon bani Jerusalem: Paulion do in; anjaha bani rumah panumbahan: Pajonamon do in.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA