Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Enda me berita kerna Babil, si ialoken Jesaya anak Amos i bas Dibata nari:
2 Penangkihlah bendera perang i datas uruk-uruk si salang! Lebuhlah tentera janah ewatken tanndu jadi tanda man bana maka iserangna pintun-pintun gerbang kota si megombang e.
3 TUHAN nggo ndilo tentera PilihenNa, tentera si banci iagahken, si la lit kebiarenna, guna nehken ukumen man kalak si nembeh AteNa.
4 Dengkehkenlah sora gejek i datas deleng-deleng, sora gejek jelma si nterem, sora bangsa-bangsa ras kerajan si sangana pulung. TUHAN -nu-bala-Serdadu, sangana nikapken TenteraNa lawes erperang.
5 Tentera e reh i negeri-negeri si ndauh i tampuk doni nari. Erkiteken RawaNa, reh TUHAN ngeradasken negeri e kerina.
6 Nderkuhken, sabap wari TUHAN nggo ndeher; sanga si e, reh me si Mada Kuasa ngkernepkenca.
7 Emaka kerina kalak lanai ergegeh tanna, jenari bene ukurna.
8 Mbiar ia janah mesui akapna, bagi suina iakap diberu si sangana mupus. Sinehenen ia sapih-sapih ia ban biarna, janah megara pe ayona nahanken suina.
9 Reh me wari TUHAN, wari si dem alu pernembeh ras gara ate TUHAN lanai teralang. Doni enda IbahanNa jadi taneh mesawang, janah kerina kalak perdosa IkernepkenNa.
10 Kerina bintang ras rarasen bintang-bintang ngadi ersinalsal, matawari mbiring tupung pultak erpagi-pagi, janah bulan pe la ersinalsal.
11 Nina TUHAN, "Kuradasken me isi doni janah Kuukum kerina kalak jahat erkiteken dosana. Kasa kalak si meganjang rukur Kuperjak janah kalak megombang ras kejam Kuukum.
12 Sunahen pagi muat emas asangken muat kalak si nggeluh denga.
13 Kubahan pagi maka i bas wari e, tupung Aku, TUHAN si Mada Kuasa encidahken rawangKu maka langit mugur-ugur janah doni mistak i bas inganna nari.
14 Bangsa-bangsa si deban si ringan i Babil kiam pagi mulihken ku negerina jine, merap marpar desken belkih si tersengget ibahan perburu, tah pe bagi biri-biri si la lit permakanna.
15 Kasa kalak si tertangkap, minter itebak seh mate.
16 I lebe-lebe matana anakna si kitik idampesken, rumahna irampasi janah ndeharana ipaksa kalak."
17 Nina TUHAN, "Kusuruh pagi kalak Medi nerang Babil. La diatena sitik pe ngenehen pirak, janah emas pe la morah atena.
18 Munuhi anak perana saja ngenca atena alu panahna. Subuk kempak anak gara-gara, bage pe danak-danak, la sitik pe atena mekuah.
19 Babilon eme kerajan si mejilena i babo kerina kerajan-kerajan, janah eme jadi kemegahen rayatna. Tapi Aku, TUHAN, Kuruntuhken me Babil, bali ras pengeruntuhkenKu Sodom ras Gomora.
20 Ndigan pe lanai lit kalak nggeluh i je. Kalak Arab pe lanai majekken kemahna i je, bage pe kalak permakan lanai mpermakani asuh-asuhenna i bas ingan e.
21 Kota e pagin jadi ingan rubia-rubia gurun pasir, janah ingan alingkupa erbahan asarna. Perik unta tading i je janah kambing kerangen lompat-lompat arah runtuhenna.
22 Janah serigala terbegi sorana erloling i bas menara-menara ras istana-istanana nari. Paksana nandangi seh. Wari-wari Babil nggo menam keri."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA