Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dhabuna PANGERAN ka Mosa, "Kabala ka mam-imam toronanna Harun: Oreng se daddi imam ta’ olle manajjis aba’na lantaran noro’ entar ka opacarana ngoburragi oreng mate mon se mate jareya balana,

² kajabana mon se mate jareya ebuna, eppa’na, ana’na, taretan lake’na,

³ otabana taretan bine’na se gi’ ta’ alake se apolong e bengkona.

⁴ Imam ta’ olle manajjis aba’na lantaran entar ka opacarana ngoburragi oreng mate, mon se mate jareya la-balana binena.

⁵ Imam ta’ olle agundhul sabagiyan dhari cethagga ban ta’ olle nyokor janggu’na otaba alokae badanna ngangguy barang se tajem kaangguy noduwagi ja’ aba’na sossa.

⁶ Imam jareya Tang andhi’ malolo, ban ta’ olle majuba’ Tang nyama. Imam ngatorragi kurban kakanan ka Sengko’, molana kodu socce.

⁷ Imam ta’ olle abine babine’ bekkas sondel, otabana babine’ se ta’ paraban otaba babine’ se atellak ban lakena, sabab imam reya Tang andhi’.

⁸ Bangsa Isra’il kodu ngakone ja’ imam reya oreng se kaangguy Sengko’ malolo, sabab imam jareya ngatorragi kurban kakanan ka Sengko’. Sengko’ reya PANGERAN; Sengko’ socce ban Sengko’ masocce Tang ommat.

⁹ Mon ana’ babine’na imam badha se daddi sondel, babine’ jareya ngapessagi eppa’na ban kodu eobbar sampe’ mate.

¹⁰ Imam Agung reya la etahbissagi kalaban eselene mennya’ opacara ka attassa cethagga sarta kalaban epangangguy kalambina Imam Agung, daddi obu’na ta’ olle salsal polana ta’ esoroy, ban ta’ olle nyebbit kalambina polana noduwagiya ja’ atena sossa.

¹¹ Imam reya la eatorragi ka Sengko’, epadaddi andhi’na Sengko’, daddi ta’ olle manajjis aba’na, ta’ olle keya manajjis Tang Kemah lantaran kalowar dhari jadhiya entara maso’ ka bengko se badha jinazana, maske jareya jinazana eppa’na dibi’ otaba ebuna dibi’.

¹² (21:11)

¹³ Imam reya pera’ olle abine ban paraban dhari sukuna dibi’. Ta’ olle akabin ban randha otaba babine’ se etellak bi’ lakena, otabana babine’ bekkas sondel.

¹⁴ (21:13)

¹⁵ Mon atoran reya ta’ etoro’, na’-ana’na se koduna socce, bakal najjissa. Sengko’ reya PANGERAN, ban imam jareya bi’ Sengko’ la epadaddi Imam Agung malolo."

¹⁶ Dhabuna PANGERAN ka Mosa,

¹⁷ "Kabala kantha reya ka Harun: Toronanna ba’na se ena badanna ta’ olle ngeba kurban kakanan ka Sengko’. Atoran reya kodu eangguy salanjangnga.

¹⁸ Oreng se ngatorragi kurban ta’ olle ena badanna; se emaksod iya areya se buta otaba dippang, se rosak mowana otaba bagiyanna badanna,

¹⁹ se dhingkol otaba se dippang sokona,

²⁰ se bungko’ ban se cabul, se sake’ mata otaba andhi’ panyaket kole’; otaba se ekobiri.

²¹ Saneyap toronanna Imam Harun se ena badanna ta’ olle ngatorragi kurban kakanan ka Sengko’.

²² Tape olle ngakan kakanan se ekurbannagi, iya areya kurban kakanan se socce otaba se talebat soccena.

²³ Lantaran oreng jareya ena badanna, ta’ olle entar ka seddi’anna bir-tabir se mesa Rowangan Se Socce otabana mezba. Bariya keya ta’ olle manajjis rang-barang se la eteptebbagi kaangguy Sengko’ malolo, sabab Sengko’ reya PANGERAN, ban Sengko’ se nantowagi rang-barang jareya kaangguy Sengko’ malolo."

²⁴ Jareya atoran-atoran se epanapa’ Mosa ka Harun ban tra-pottrana, ban ka saneyap bangsa Isra’il.

Imamat

Video Imamat 21

Ikuti Kami:

KONTAK | PARTISIPASI | DONASI