Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Katawari ateKu Kupepalem bangsangKu Israel janah Kupesenang ka ia mulihi, i je ka minter Kuidah kejahaten ras dosa si ibahanna. Sitipu-tipun ia sapih-sapih ia; ibongkarna rumah kalak, nangko ia; irampokna kalak i bas pasar-pasar.
2 La pernah tersinget i bas ukurna maka Kuinget nge kerina kejahaten enda; tapi dosa-dosana ngkeleweti ia, emaka terpaksa rusur Kuidah."
3 Nina TUHAN, "Rayat muat ukur raja ras pegawai-pegawaina alu pertakin ras guak.
4 Kerina ia penipu dingen la patuh. I bas pusuhna dem elem-elem bali ras api i bas ginuhur, si la igestungi tukang roti mulai roti ituang seh roti e nggo kembang.
5 I bas pesta si ibahan raja, ibahanna raja ras pegawai-pegawaina mabuk alu anggur, seh maka ilakokenna kai si man kemelanken.
6 Tuhu, pusuhna bali ras ginuhur si gara, dem alu pertakin. Gedang-gedang berngi pernembeh atena merara, janah erpagi-pagi gurlah jadi api si gara.
7 I bas pernembeh atena si gara, ibunuhna peminpin-peminpinna. Raja-rajana ibunuhna sada-sadai, tapi la lit sada pe si erlebuh man bangKu mindo penampat."
8 Nina TUHAN, "Bangsa Israel bali kap ras roti setengah tasak. Ernalem ia man bangsa-bangsa sekelewetna,
9 janah la iangkana maka bangsa si deban e nge si engkeriken gegehna. Wari-warina nggo ibeligai, tapi la sitik pe igejapna.
10 Kiniganjangen ukur bangsa Israel desken sada saksi si ngelawan Israel. Tapi aminna kai gia nggo jadi man bana, lalap ia la mulih man bangKu, TUHAN Dibatana.
11 Israel bali kap ras ndukur si motu; mula-mula erlebuh ia man Mesir mindo penampat, jenari lawes ka ia ku Assur!
12 Tapi Kukimbangken me bantongKu maka Kutangkap ia bagi perik sangana kabang. Kuukum me ia erdandanken kejahaten si nggo ilakokenna.
13 Cilaka me ia! Nggo itadingkenna dingen ilawanna Aku. Emaka kernep me ia. Kukelini ateKu ia, tapi ilawanna Aku alu kata guak.
14 Pertotonna la i bas pusuhna nari, tapi idampes-dampeskenna bana janahna ngandung i bas ingan medem bali ras kalak perbegu. Tupung ia ertoto mindo gandum ras anggur ilukaina bana bagi kalak perbegu. Tuhu-tuhu kal ia pemberontak!
15 Aminna Aku nge si mpebelin-belinca ras si mpegegehi ia, tapi iukurkenna nge mahan si la mehuli man bangKu.
16 La erngadi-ngadi itundalkenna Aku, jenari ngadap ia man dibata-dibata si la ergegeh. La sitik pe ia terteki, bali ras panah si nggo baling. Erkiteken peminpin-peminpinna meganjang ukurna, emaka mate me ia kena pedang, janah tawa-tawa kalak Mesir ngidahsa."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA