Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Enda me kata TUHAN si seh man Hosea anak Beeri tupung Usia, Jotam, Ahas, ras Hiskia, raja-raja Juda, dingen Jerobeam anak Joas, raja Israel.
2 Tupung TUHAN mula-mulana ngerana man Israel arah Hosea nina man Hosea, "To empoi sekalak diberu; ndeharandu e jadi diberu perlua-lua pagi, janah anakna pe bagi ia ka. Bage ka me bangsangKu pe; nggo itadingkenna Aku janah nggo erlua-lua ia."
3 Emaka iempoi Hosea sekalak diberu anak Diblaim, Gomer gelarna. Kenca tubuh anakna sintua, dilaki,
4 nina TUHAN man Hosea, "Bahan gelarna "Jesreel," sabap lanai ndekah, Kuukum me raja Israel, erkiteken nai ninina Jehu munuh i Jesreel. Emaka Kupengadi me kerajan Israel.
5 Tupung si e pagi i bas Baluren Jesreel me Kukernepken gegeh tentera Israel."
6 Kenca bage mehuli ka kula Gomer; jenari ipupusna sekalak anak diberu. Nina TUHAN man Hosea, "Bahan gelarna 'La-ikelengi', sabap lanai ateKu keleng man rayat kerajan Israel, janah lanai Kualemi salahna.
7 Tapi man rayat kerajan Juda Kucidahken kekelengenKu. Aku, TUHAN Dibatana si ngkelini ia, tapi ia Kukelini la salu perang, la salu pedang tah panah, la salu kuda ras kalak si ngersak kuda."
8 Kenca anakna si diberu e ngadi minem, mehuli ka kula Gomer, jenari ipupusna sekalak anak dilaki.
9 Nina TUHAN man Hosea, "Bahan gelarna 'La-bangsangKu', sabap kalak Israel la bangsangKu, janah Aku la Dibatana."
10 Bangsa Israel bali pagi teremna ras kersik i lawit, la terkira dingen la tersukati. Genduari tuhu ikataken Dibata, "La kam bangsangKu," tapi reh me pagi warina i ja IkatakenNa man bangsa e, "Kam kap anak-anak Dibata si Nggeluh!"
11 Kalak Juda ipersada pagi ras kalak Israel. Ipilihna pagi sekalak jadi rajana, emaka keke ia mulihi janah nggeluh senang i bas negerina. Tuhu, wari Jesreel eme sada wari si mbelin pagi!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA