Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kai iạ e hinong manahuntěngadẹ̌ u karěngụ u sěngkatau taghuang pusakạ e reng darodọ, ute hinong piạ taumata měnẹ̌nahimata si sie ringangu mangurusẹ̌ haghin pandungange sarang i sie makakaratingu umure kụ tinantung amange. I sie i kěkoạ mẹ̌sul᷊ungu sěngkatau ěllang manịeng i sie tuhụ hinone kawe taghuangu patikụ arětạ ene.

² (4:1)

³ Kerene lai ringangi kitẹ: Karěngụ u i kitẹ deng ta nạtěllang, i kitẹ nịkakoạ ěllangu manga rohkẹ̌ apan mạngawasa dunia ini.

⁴ Arawe su tempone mapia, Ruata e rimoloh'u Ahuse sarang dunia. Ahuse ene niwantelu, sěngkatau wawine kụ nẹ̌biahẹ̌ su ral᷊ungu kawasan toratẹ̌.

⁵ Ual᷊ingu ene, i Sie napakal᷊iwiru manga taumata měbẹ̌biahẹ̌ su al᷊ungu kawasan toratẹ̌; tadeạu i kitẹ lai makoạbe manga anạ u Ruata.

⁶ Ual᷊ingu i kamene kai manga anạ u Ruata, Mawu Ruata rimolohu Rohkẹ̌ u Ahus'E mapasuẹ̌ su ral᷊ungu naung i kamene ringangu naungku, kụ Rohkẹ̌ ete měkẹ̌kui, "Amang, oh Amangku."

⁷ Kutẹu, i kamene semben bal᷊ine lai ěllang, kaiso kawe anạ. Kụ ual᷊ingu i kamene kawe anạ u Ruata ute Ruata e sarung měgěllị u patikụ sạbarang apan nisadian'E waugu manga anạ'E.

⁸ Kangerẹ i kamene wẹ̌gan Duata, ene hakịu i kamene nakoạ ěllangu manga kawasa kụ lẹ̌ěnang kere mahang duata, kai tumuhụ hinone wal᷊inewe Ruata kahěnga-hěngang.

⁹ Arawe orasẹ̌ ini e i kamene seng masingkạ u Ruata, arau limembo l᷊ain kapiange Duata e masingkạ i kamene. Kụ unụ e i kamene saụbe lai mẹ̌sul᷊e su manga rohkẹ̌ u dunia ini apan lome ringangu kasiang? Unụ e i kamene mapulu saụ ipẹ̌tahuěllangu manga rohkẹ̌ ene?

¹⁰ I kamene měsẹ̌sěmpị be manga ěllo sahị, manga wul᷊ang sahị dingangu manga taung sahị.

¹¹ Iạ gụgěnggang, kiwuạ u pẹ̌tatěngkasaghedẹ̌ku waugi kamene tạ pul᷊ise apa.

¹² Manga anạ u sěmbaụ! Iạ mědẹ̌dorong sěngapam botonge tadeạu i kamene makoạ kere iạ. Ual᷊ingu iạ mal᷊aing seng nakoạ kere i kamene. I kamene tawe němpẹ̌koạbe sal᷊a manga apa su těngoku.

¹³ I kamene tantu reng makạtahěndung kai apạ e nakariadi si siạ dokeng tẹ̌tạe nakapěhabaru Injilẹ̌ e si kamene. Batụu kai ual᷊ingu iạ nasakị.

¹⁴ Su tempo ene i kamene tawe narěntingu iạ, maningbe kakakoạu wadangkue nakoạ sasal᷊ukạ masaria si kamene. Kaiso i kamene němpanarimạbeng iạ tabidạen němpanarimạ u malaekatu Mawu arau kere němpanarimạ i Kristus Yesus sẹ̌sane.

¹⁵ I kamene měngkawe apa maral᷊uasẹ̌ kahěngang su tempo ene. Arawe ini ute kai suapạ e karal᷊uasẹ̌ ene? Iạ masingkạ u su tempo ene i kamene mambeng mapulu měmpělěsạ matang kamene hala mědeạu onggotang si siạ, kereu ene wotonge ikakoạ.

¹⁶ Apa i kamene ini seng mẹ̌tẹ̌tiněnnang iạ kere sědụ, ual᷊ingu iạ mělẹ̌lahẹu katěngadẹ̌ si kamene?

¹⁷ Manga taumata wal᷊ine ene měngkate makěhagẹ̌ měmpẹ̌deạ si kamene, kutẹu manga timonan sire kawe ral᷊aị. I sire kětạeng mapulu maměsụ pẹ̌kakauhi kamene ringangi kami, tadeạu i kamene tumol᷊e si sire ringangu kakakěhagẹ̌.

¹⁸ Apạewe mapia, lombangeng su ral᷊ungu manga hal᷊ẹ̌ mapia, asal᷊ẹ̌ měngkate kerene kụ abe kawe kětạu kamageng iạ ene ringangi kamene.

¹⁹ Manga anạku ikẹ̌kěndagẹ̌! Iạ orasẹ̌ ini nakapěndang matědụ ual᷊ingu i kamene. Iạ natatědụ kere sěngkatau wawine matědụ su tempon pamamantelu rariọ. Iạ měngkai masunsara, kereu kakakoạ i Kristus wẹ̌dang ta nạsuang su ral᷊ungu watangeng i kamene!

²⁰ Iạ měngkate měkẹ̌karimangu mapulu ene sutal᷊oarang kamene ini, mědeạu iạ makapẹ̌bisara si kamene ringangu tingihẹ̌ bal᷊ine, ual᷊ingu iạ seng běga měnsang mẹ̌koạ apa lai ringangi kamene.

²¹ Manga anạ u sěmbaụ apan mapulu mẹ̌biahẹ̌ su al᷊ungu kawasan toratẹ̌, kěnang pẹ̌daringihẹ̌ si siạ! Iạ sarung měhabarẹ̌ si kamene apang hinone mạbawohẹ su ral᷊ungu bukẹ̌ u Torati Musa.

²² Sene mạbawohẹ u i Abraham piạ anạ e ruang katau: I ninang anạ e sěmbaụ kai sěngkatau ěllang, arawe i ninangu anạ bal᷊ine e taumatawe wal᷊ine ěllang.

²³ Anạ u wawine nakoạ ěllange piněhěndingbe su kapulun taumata. Arawe anạ u wawine wal᷊ine ěllange, naiwantelẹ̌ ual᷊ingu nịkakědon Duata.

²⁴ Ini wotonge ipakẹ makoạ papinintu. Bawine ruang katau ene, kai tabidạu papinintun kẹ̌do rarua; sěmbaụ e wọu Wul᷊udu Sinai -- ene e kai i Hagar; manga anạ e piněhěnding kere ěllang.

²⁵ Kụ i Hagar ene kai Wul᷊udu Sinai su ěntanang Arabẹ̌. I sie mělẹ̌lahẹ u soang Yerusalem dingangu kal᷊awọu tumanạ e orasẹ̌ ini seng nakoạ ěllang.

²⁶ Arawe Yerusalem su sorga ene kai Yerusalem nal᷊iu kụ i sie kai i ninang i kitẹ.

²⁷ Batụu su ral᷊ungu Winohẹ Susi e mạbawohẹ, "Pahul᷊uasẹ̌ i kamene manga wawine kụ tawe nẹ̌hanạ! Pahul᷊iagẹ̌ dingangu pẹ̌tahimokoi ei kamene ta makapěndang kal᷊iking bawine měhěnding! U wawine tiněntangu kawinge makareạ anạ limembong kal᷊awọe wọu wawine měbẹ̌biahẹ̌ dingangu kawinge."

²⁸ Manga anạ u sěmbaụ! I kamene hala kai manga anạ u Ruata nipěhanạ ual᷊ingu kẹ̌don Duata; i kamene mẹ̌sul᷊ung'i Ishak.

²⁹ Su tempo ene anạ piněhanạ su kapulun taumata, mạnumbiagẹ̌ anạ piněhanạ ual᷊ingu kapulun Rohkẹ̌ u Ruata. Kerene lai orasẹ̌ ini.

³⁰ Kai apa wue mạbawohẹ su ral᷊ungu Winohẹ Susi? Sene mạbawohẹ kere ini: "Tokol᷊ẹ̌ko ěllang bawine ene ringangkewen anạ e, watụ u anạ u tau wawine ěndaịe sarung tawe makapěmusakạ dingangu anạ u tau wawine kụ bal᷊ine ěllange."

³¹ Kụ manga anạ u sěmbaụ i kitẹ ini e wal᷊inewe manga anạ bọu sěngkatau ěllang bawine; i kitẹ e kai manga anạ bọu wawine nal᷊iwirẹ̌ e.

Galatia

Video Galatia 4

Ikuti Kami:

KONTAK | PARTISIPASI | DONASI