Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Iamora bannangnato anna aku te Paulus, to dirante bassi diona Kristus Yesu belanna to kapere’,

² – inang mirangimo tu diona atoran kadipasseronganna pa’kamaseanNa Puang Matua, tu dikamaseanna’, kamu napats-

³ tu kumua iatu rasia dipasombomo lako kaleku lan pa’paombo’ susitu kusura’ kondi’ bang dao.

⁴ Iammi basai to, ma’dinmo mitandai tu kaunnissanangku rasia diona Kristus,

⁵ – tu tae’ bangpa nadipa’peissanan len tonna dolona lako mintu’ tarukna Adam, susitu Napaombo’ Penaa totemo lako mintu’ rasulu’ sia nabi masallo’Ns-

⁶ to kumua iatu to kapere’ pada-pada ma’mana’ sia misa’ kale sia pada ketaa dio mai pangallu’ lan kasiturusanNa Kristus Yesu tete dio Kareba-kaparannuan.

⁷ Anna aku dipadadi to ma’kamayana Kareba-kaparannuan, situru’ serong pa’kamaseanNa Puang Matua, tu Napa’kamasean lako kaleku sitinaya pengkarangan kamatotoranNa.

⁸ Anna aku te, tu madionganna na iatu mintu’ to masallo’, diserongi te pa’kamasean iate, la umpa’peissananni lako to kapere’ tu kasugiran tang dilambi’Na Kristus,

⁹ sia umpamanassai lako mintu’ tau tumba tu diona umpalolang rasia tu tempon diomo mai kabunian bang lan Puang Matua, To umpadadi mintu’ angge maritik,

¹⁰ kumua anna pa’peissananni kombongan totemo lako mintu’ to ma’parenta sia to paa dao suruga tu ma’rupa-rupa kakinaanNa Puang Matua,

¹¹ situru’ tu tanan penaa Napogau’ lan Kristus Yesu, Puangta.

¹² Lan duka Kristus anna den kabattaranta sia lalan umpennoloi Puang Matua anta katappa’I tete dio kapatonganan lako Kalena.

¹³ Iamoto kupalakui lako kalemi, da naporanggangi penaammi tu kamaparrisangku diona kamu, belanna iamo mipomala’bi’.

¹⁴ Iamo bannangnato, angku malinguntu’ malaku langngan Ambe’,

¹⁵ tu dio mai Kalena anna mintu’ bangsa dao suruga sia lan lino disangai,

¹⁶ sangapaoi upa’ anNa kamaseikomi situru’ kasugiran kamala’biranNa, anna kamatotoran Napabattarangkomi PenaanNa lan ba’tengmi,

¹⁷ anNa torroi Kristus tu penaammi tete dio kapatonganan sia ammi mennuaka’ sia keparandangan lan pa’kaboro’,

¹⁸ ammi belai unnissanni sola mintu’ to masallo’, sangapa sangka’na, lambe’na, langka’na sia likunna,

¹⁹ sia untandai polepa pa’kaboro’Na Kristus, tu undaoanni mintu’ kapaissanan, dikua anna ponnoikomi pa’kamasean sae lako milambi’na tu mintu’ panganggeanna Puang Matua.

²⁰ Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,

²¹ lu lako duka tu mintu’na kamala’biran lan kombongan sia lan Kristus Yesu tontong siosso’ sae lakona! Amin.

Efesus

Video Efesus 3

Ikuti Kami:

KONTAK | PARTISIPASI | DONASI