Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sababu ma Jo'oungu ma Dutu wodiaiokau 'o Yahudioka de ko 'o Yahudiokawa yomarimoiokau, ge'enau so ngoi 'o Paulus, 'ibuika sababu tositotara 'o habari ma ngale ma Kristus, ma ngale tiniriwo ngini ko 'o Yahudiokawa.

² Ma rai ngini nio'isenokau ma ngale ma Jo'oungu ma Dutu 'o co-catu ma amoko wokulakau ngoino gee salingou tosidagi ma ngale tiniriwo ngini.

³ Ge'ena la ma Jo'oungu ma Dutu woisidumutu 'okia naga gee wi singinaka wadiai, gee 'isoka ma eta talefokau dakungoka.

⁴ Nako ngini niabaca, ge'ena dua ngini mita niasahe 'isoka ngoioli, ge'ena la 'okia naga gee 'o nyawa koyanako-nakowasi ma ngale ma Kristus.

⁵ Ge'ena ma sira ma Jo'oungu ma Dutu kowosidemowasi 'o nyawaka, ma ne'ena 'o Ngomasa 'Itebi-tebini 'isiwaitokau 'o su-sulokika de 'o nabii-nabiika,

⁶ ge'ena la: Ma ngekomo 'o Habari ma Owa, so ko 'o Yahudiokawa de ma Yahudioka yoodumu yamake ma Jo'oungu ma Dutu 'awi barakati, de yodadi ma Kristus 'awi roese ma kia sonaa. Mita yamake gee ma Jo'oungu ma Dutu wojajiokau ma ngekomo ma Kristus Yesus.

⁷ Ma Jo'oungu ma Dutu wokula 'o co-catu ma amoko ngoino ge'ena la 'o manarama ma ngale tositotara 'o Habari ma Owa ge'ena. Ngoi tamake 'o co-catu ma amoko ge'ena ma ngekomo ma Jo'oungu ma Dutu 'awi kuasa gee 'imanarama 'ai singinaka.

⁸ Ma Jo'oungu ma Dutu 'awi 'umati ma sigoronaka, ngoi 'ifoloi todaduuku. Duga sababu ma Jo'oungu ma Dutu 'awi singina ma sure so wokulakau ngoino 'o manarama ma ngale tositotara 'o Habari ma Owa ko 'o Yahudiwa ma nyawaka. Ma habari ge'ena ma ngale ma Kristus wonasilaha kopa'akunuwa patuga.

⁹ De mita la ma ngekomo ngoi, 'o nyawa 'iodumu yanako kokia ma Jo'oungu ma Dutu 'o diwanga de 'o dunia wosidadi-dadi gu'una, wadiai 'okia naga gee wi singinaka wadiai, gee ma sirasi kowosidumutuawasi 'o nyawa-nyawaka 'o duniaka.

¹⁰ Ma Jo'oungu ma Dutu 'awi dumutu la ma 'orasi ne'ena ma ngekomo 'o jamati, 'o sagala gee 'ipa-pareta 'o ngawa-ngawaka de 'o sorogaaka, yanako ma Jo'oungu ma Dutu 'awi barija naga 'o sagala moi-moioka.

¹¹ Ma Jo'oungu ma Dutu wadiai koge'ena, moteke 'awi singinaka wadiai gee kaisi'ado-'adonika, ma ngekomo ma Kristus Yesus to ngone nanga Jou.

¹² Sababu pongaku ma Kristusika de pomarimoi de de 'una, so ngone 'idadi pomoroini potaari ma Jo'oungu ma Dutuka de panakokau 'ato wonadawongo wosidi-diai.

¹³ Ge'enau so ngoi toga'asoko la 'uwa nia singina 'itingoono ngaro nianako ngoi tokasangisara ma ngale tiniriwo ngini, sababu ge'ena 'iodumu ma ngale to ngini nia laha.

¹⁴ Ge'enau so ngoi totalibukuku tolahidoa ma Jo'oungu ma Dutuka nanga Dea gu'una,

¹⁵ gee wosidadi-dadi 'iodumu 'o sorogaaka de 'o duniaka.

¹⁶ Ngoi tolahidoa la ma Jo'oungu ma Dutu gee 'awi kumati de 'awi kuasa ma batingi koi'iwa, nia singina wosikuata ma ngekomo 'o Ngomasa 'Itebi-tebini 'imanoa nia singinaka.

¹⁷ La de nia ngo-ngaku ma Kristusika, ma Kristus womanoa 'ania singina ma dodaka la nio'ahu 'o dora niparetano.

¹⁸ Tolahidoa la ma Jo'oungu ma Dutu 'awi kawasa nioodumu niasahe ma Kristus 'awi dora ma batingi koi'iwa,

¹⁹ gee ka de 'o nyawa nanga 'akali kopa'akunuwa pasahe 'iodumu. Tanu ngini niasahe de niamao ma Kristus 'awi dora ge'ena, la ngini ma gou-goungu niodadi 'isoka ma Jo'oungu ma Dutu 'awi gokoie.

²⁰ Ma ngekomo ma Jo'oungu ma Dutu 'awi kuasa gee koimaogo-ogoruwa 'imanarama ngoneka, 'una 'idadi wadiai 'ifoloi 'ikudai de gedagee ngone poga-ga'asoko de patiba-tibangi.

²¹ Nou, ngone 'o jamati ma sigoronaka kaitaurika powisiarene ma Jo'oungu ma Dutu, ma ngekomo pomarimoi de ma Kristus Yesus. Powisiarene ma Jo'oungu ma Dutu kaisi'ado-'adonika! 'Amin. Koge'enau.

Efesus

Video Efesus 3

Ikuti Kami:

KONTAK | PARTISIPASI | DONASI